HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1209 sine meʼzûn olabilirler. Bu bâbda İsviçre Salîb-i Ahmeri tarafından âtîdeki şerâit ve ahkâm neşredil- mişdir: -2- Evvelâ: İsviçre Salîb-i Ahmer İdâre-i Merkeziyesi, İsviçre Heyʼet-i İttihâdiyesi arâzîsinin her- hangi bir kısmında bir ecnebî Salîb-i Ahmer'i teşkîl ve teʼsîsi için ecnebî bir Salîb-i Ahmer tarafından vukûʻ bulacak taleb ve mürâcaʻat hakkında ittihâz-ı karâr eyler. İşbu karâr, ecnebî Salîb-i Ahmer'in icrâ-yı faʻâliyet arzusunda bulunduğu mahal Salîb-i Ahmer şuʻbesinin istimzâcından sonra iʻtâ edilir. Sâniyen: Şuʻbe küşâdı için İsviçre Salîb-i Ahmer Riyâseti'ne vukûʻ bulacak mürâcaʻat-ı tah- rîriyede cemʻiyetin istihdâf etdiği maksad u gâye ile bu husûsda istiʻmâl edilecek turuk ve vesâitin sarâhaten zikri ve nizâmnâme-i esâsîden bir nüshanın da ilâvesi lâzımdır. Bundan mâʻadâ: 1-İsviçre Heyʼet-i İttihâdiyesi dâhilinde teessüs ve teşekkül etmesi arzu edilen ecnebî şuʻbenin nâm-ı hakîkîsinin, 2-Tekmîl komite aʻzâsının cedvel-i esâmîsinin, 3-Teşkîlât-ı ecnebiyenin mahal ve merkez-i idâresiyle reîsinin adresinin talebnâme-i mezkûra leffedilmesi muktezîdir. Ecnebî teşkîlâtına âid nizâmnâme-i esâsînin İsviçre Salîb-i Ahmer Merkez-i İdâresince kabûl ve tasdîke iktirân etmesi de îcâb eder. Bir nüshası verilecek olan nizâmnâme-i esâsîde teklîf edilen taʻdîlâtı İsviçre Salîb-i Ahmer İdâ- re-i Merkeziyesi'nin nazar-ı tasvîbine arz etmeğe ve 3 numaralı fıkradan zikrolunan merkez-i idâre ile adresinin tebeddülünde keyfiyeti hemen idâre-i mezkûreye ihbâr edilmeğe ecnebî teşkîlâtı mec- bûrdur. Sâlisen: Ecnebî Salîb-i Ahmer'i ancak kendi vatandâşlarından aʻzâ kaydedebilir. Maʻamâfîh İsviçrelilerle izdivâc etmiş nisvân-ı ecnebiye cemʻiyete dâhil olabilirler. Râbiʻan: Ecnebî Salîb-i Ahmer'i menfaʻatine tertîb edilecek müsâmere, tenezzüh vesâire ile bi'l-cümle tezâhürât ancak İsviçre Salîb-i Ahmer'i kâtib-i umûmîsinin müsâʻade-i mahsûsa-i tahrîri- yesiyle yapılabilir. Bunun için kitâbet-i umûmiyeye tahrîren mürâcaʻat etmek lâzımdır. [192] Kâtib-i umûmî, alâkadâr İsviçre Salîb-i Ahmer şuʻbesinin fikir ve mütâlaʻasını aldıkdan sonra müsâʻadeyi verebilir. Hâmisen: İʻâne derci, müsâmere tertîbi ve tezâhürât icrâsı husûsâtının hiçbir zamân umûmî bir mâhiyeti hâiz olması câiz olamaz. İsviçre Salîb-i Ahmeri'yle yâhûd Beynelmilel Salîb-i Ahmer Komitesi'yle iltibâs vukûʻuna sebeb olacak alâmât memnûʻdur. Ecnebî Salîb-i Ahmer meʼmûrlarının nişân, elbise ve üniforma ile dolaşmaları memnûʻ olduğu gibi gerek müesseselerinde ve gerek ale'l-ıtlâk İsviçre Heyʼet-i İttihâdiyesi dâhilinde ve İsviçre arâzî- sinden esnâ-yı mürûrda dahi işbu memnûʻiyet bâkîdir. Salâhiyetdâr makâmâtın müsâʻadesi mahfûz kalmak şartıyla bir ecnebi Salîb-i Ahmer heyʼeti- nin İsviçre arâzîsinden transit sûretiyle mürûru için evvel emirde İsviçre Salîb-i Ahmer İdâre-i Mer- keziyesi'nin müsâʻadesi istihsâl edilmelidir.