HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1211 Sulh zamânları ise tuğyân, harîk, hareket-i arz vesâir âfâta karşı bu ilk imdâd ve muʻâvenet teşkîlât takımları serîʻan müheyyâ-yı hareket bir hâle vazʻ edilebileceği gibi bunlardan pek nâfiʻ hiz- metler de teʼmîn edilebilir. Çekoslovak Salîb-i Ahmeri'nin cumhûriyetin en küçük kurâ ve kasabâtında mevcûd itfâiye ta- kımlarından bile ilk imdâd teşkîlâtı için istifâde etmekde olduğu şâyân-ı kayıddır. Genç keşşâflar, bu ilk imdâd teşkîlâtında Hilâl ve Salîb-i Ahmer için pek mühim bir unsur-ı istifâde olabilir. İlk imdâd ve muʻâvenet için husûsî âlât ü edevâta da lüzûm olmadığından istihzârât gâyet kolaydır. Dürûs-ı mürettebe ve konferanslar ya Salîb-i Ahmer tabîbi tarafından verilir veyâhûd arzu eden bazı erbâb-ı vukûf tarafından derʻuhde edilir. Verilecek konferanslar asgarî on, aʻzamî yirmiden ve bu sûretle ilk imdâd için ihzâr edilenlerin imtihân edildikden sonra ellerine birer şehâdetnâme verilir. İlk imdâd için İsveç Salîb-i Ahmeri'nin numûne dersleri şu vechile tertîb edilmişdir: -1- Yaraların Tedâvîsi 1-Nezf (kan akması), tazyîkli sargı, hıyâte (damarı bağlama) [194] 2-Cürûh-ı gayr-ı müntine (temiz yaralar), taʻkîm, ilk tımâr 1918'de Samariten yani ilk imdâd tedrîsâtını ikmâl edenlere verilen şehâdetnâme Fac-similé du diplôme décerné aux élèves ayant suivi en 1918 les cours des Premiers Secours