HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1214 Hilâl-i Ahmer Hindistan Heyʼeti Hindistan'da mübâdele-i ahâlî menfaʻatine iʻâne cemʻine meʼmûr olan heyʼet birkaç gün Mı- sır'da tevakkuf etdikden sonra 9 Şubat [1]340 târîhinde Bombay'a vâsıl olmuşdur. _______________ Hilâl-i Ahmer'e Hâricden Gelen Muʻâvenetler 14 Kânûn-ı Sânî ilâ 2 Şubat [1]340 [1924] târîhine kadar Bulgaristan'da Karlova kazâsı dâhilin- de Rahmanlar karyesi ahâlî-i İslâmiyesi'nden nısfı Hilâl-i Ahmer'e ve nısf-ı diğeri mübâdeleye tâbiʻ ahâlî-i müslimenin ihtiyâcâtına sarf edilmek üzere 11.320 leva, Paris Türk Yurdu gençleri tarafından 525 Fransız frangı, Bulgaristan'da Karlova kazâsı ve mülhakâtı ahâlî-i İslâmiyesi'nden 10.714 leva, Kıbrıs adası ahâlî-i İslâmiyesi'nden 125 İngiliz lirası vürûd etmiş olmağla Hilâl-i Ahmer tekmîl bu müteberriʻîn-i kirâma arz-ı teşekkür eder. _______________ Hilâl-i Ahmer Dispanserleri Geçen Kânûn-ı Sânî zarfında Hilâl-i Ahmer Fatih Dispanseri'nde 731 ve Üsküdar Dispanseri'n- de 765 hasta muʻâyene edilmiş ve muʻâyene edilenlere meccânen dahi [196] ilâc verilmişdir. Aynı müddet zarfında Cağaloğlu Dispanseri 741 kişiyi tedâvî etmiş ve 423 kişiye talebleri üzerine meccâ- nen ilâc vermişdir. _______________ Semt İʻâne Heyʼetlerinin Faʻâliyeti 1339 [1923] senesi ibtidâsından nihâyetine kadar semt iʻâne heyʼetlerinin irsâlâtda bulunduk- ları mikdârı müşʻir cedvel: İrsâlât-ı Nakdiye (Kuruş/Para) Ayasofya 42.160 Kumkapı 43.990 Pangaltı 148.305,20 Hasköy 26.950 Makriköy 49.695 Ayastefanos 17.585 Rumelikavağı 5.890 Eminönü 290.800 Büyükdere 45.405 Kasımpaşa 118.425 Karagümrük 104.845 Sarıyer 49.163,20