HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1218 maʻrûz kaldıkları sefâlet-i fisyolojiye netîcesi beledî olarak malarya ve envâʻı, ishâl, yarakân, il- tihâb-ı miʻde ve kasabât, göz vesâir emrâzdır. Mürâcaʻat edenlerle dâhil-i memleketde emrâz-ı sâriye ve müstevliye vukûʻâtı meşhûd olma- mışdır. _______________ 30'uncu Kavala İmdâd-ı Sıhhî Heyʼeti Geçen Kânûn-ı Sânî bidâyetinden gâyesine kadar Kavala İmdâd-ı Sıhhî Heyʼeti faʻâliyeti: 1-Dispanser faʻâliyetinde devâm ederek mürâcaʻat eden dört yüz marzânın tedâvîleri icrâ ve muhtâc-ı muʻâvenet bîçâregâna çamaşır, kaput ve levâzım-ı iksâiye verilmişdir. 2-Kânûn-ı Sânî gâyesine kadar 5.282 nüfûs, 1.447 büyük hayvân ve 615 küçük hayvân sevk edilmişdir. 3-Kânûn-ı Sânî zarfında toplanan iʻânât mikdârı 307.845 drahmidir. Evvelkilerle berâber topla- nan iʻâne yekûnu 386.861 drahmiye bâliğ olmakdadır. 4-Hilâl-i Ahmer hastabakıcıları vâsıtasıyla ahâlîye çiçek aşısı tatbîk edilmiş ve Kavala, Sarışa- ban, Pravişte kazâlarında emrâz-ı sâriye vukûʻâtı zuhûr etmemişdir. [199] Selanik'de Hilâl-i Ahmer Karârgâhı Selanik'e dâhilden gelen milletdâşlarımızın şehir içinde muhtelif yerlere dağılarak açıkda kal- malarına ve tasavvurun fevkinde kirâ vererek ötekinin berikinin ihtikârına kurbân olmalarına mâniʻ olmak fikriyle Hilâl-i Ahmer İmdâd-ı Sıhhî Heyʼeti tarafından şehir civârında Kireç köyü istikâme- tinde Karahüseyin mevkiʻinde beş bin nüfûsu istîʻâba elverişli ve şerâit-i sıhhiyeyi câmiʻ çadırlı bir misâfirhâne teʼsîs edilmişdir. Civârda sâf ve temiz su menbaʻları bularak su isâlesi taht-ı teʼmîne alınmış ve bunun için muh- telit komisyon, Türk heyʼet-i murahhasası[na] dört bin beş yüz drahmi iʻtâ etmişdir. Karârgâhda dâimî doktorlar, hastabakıcılar bulunacak ve hastalar için bir dispanser küşâd edi- lecekdir. Aşı muʻâmelâtı da orada yapılacakdır. Misâfirhânenin teʼsîsiyle fevâid-i âtiye teʼmîn edilmişdir: 1-Mikdârı iki yüz bine karîb muhâcirler Selanik'de mesken kirâsı teʼdiyesinden kurtulacaklardır. 2-Muhâcirler misâfirhânede şehrin en iyi suyunu içecekler ve bu sûretle dizanteri, hummâ, şi- bh-i tifo hastalıklarından vikâye edileceklerdir. 3-Hastalar en müsâʻid şerâit içinde tedâvî olunacaklardır. 4-Yaz mevsiminde muhâcirler ve bilhâssa çocuklar Selanik'in sıtmasından masûn kalacaklardır. 5-Emrâz-ı sâriye zuhûrunda kolaylıkla mücâdele kâbil olacakdır. 6-Misâfirhâne beş bin nüfûs iskân edecek bir vüsʻatde olduğundan dâhilden gelecek muhâcirler burada bir müddet ikâmet ve sühûletle toplu olarak vapurlara nakledileceklerdir. 33'üncü Mersin İmdâd-ı Sıhhî Heyʼeti Heyʼet 1 Kânûn-ı Sânî [1]340 [Ocak 1924] târîhinde Mersin'e muvâsalat ederek emvâl-i metrû- keden hastahâne küşâdına elverişli on sekiz odalı güzel bir binâ tedârük etmiş ve 11 Kânûn-ı Sânî'den iʻtibâren hastagân ve muhtâcîn kabûlüne ve bunların ihtiyâcını teʼmîne mübâşeret eylemişdir. _______________