HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 30 1220 Yunan Salîb-i Ahmeri Yunan Salîb-i Ahmer Cemʻiyeti geçen Kânûn-ı Sânî'den iʻtibâren Fransız ve İngiliz lisânlarıyla Yunan Salîb-i Ahmer Mecmûʻası nâmı altında bir mecmûʻa neşrine başlamışdır. Yunan Salîb-i Ahme- ri'nin vâsıta-i neşriyâtı olan refîk-i cedîdimize muvaffakiyetler temennî ederiz. _______________ Norveç Norveç Salîb-i Ahmeri Berlin'de aç kalan Alman çocukları menfaʻatine iʻâne cemʻi maksadıyla Norveç ahâlîsine bir hitâbe neşretmişdir. Bu hitâbede nüfûs başına taleb edilen bir kron ile yakında Berlin'de fukarâ aşhâneleri teʼsîs ve Norveç'de mübâyaʻa edilecek erzâk Norveç Salîb-i Ahmeri mümessilleri vâsıtasıyla çocuklara tevzîʻ olunacakdır. _______________ Romanya Romanya Salîb-i Ahmeri geçen Kânûn-ı Evvel'in 16'sından yirmi ikisine kadar bir propaganda haftası tertîb etmiş ve Salîb-i Ahmerler heyʼet-i ittihâdiyesine mürâcaʻatla propaganda sinema film- leri celb etmişdir. Bundan mâʻadâ, Romanya Salîb-i Ahmer, Beynelmilel Salîb-i Ahmer teşkîlâtıyla beynelmilel sâhadaki kendi faʻâliyetini film ile göstermişdir. Mesʼûl Müdürü: Arif Süleyman