HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1249 Kuvâ-yı milliye gönüllülerinin yarın sâʻat altı buçukda Türkiye Hilâl-i Ahmeri'ni istikbâl etmek üzere Bolero rıhtımında bulunmaları ricâ olunur". *** Hilâl-i Ahmer Hindistan Heyʼeti Hilâl-i Ahmer Hindistan Heyʼeti'nin Delhi şehrine vâsıl olmasını müteʻâkib, oranın müslümân ekâbiri tarafından bir miting tertîb edilerek heyʼetimizin maksad-ı seyâhati îzâh edilmişdir. Bombay Chronicle gazetesinin Delhi muhâbiri, Balkan Harbi esnâsında Hindistan Müslümân- ları'nın Türkiye'ye göndermiş oldukları müteʻaddid heyʼât-ı sıhhiyeden birinin riyâsetinde bulunmuş Doktor Ensarî'nin miting reîsi intihâb edildiğini yazdıkdan sonra ber-vech-i zîr idâre-i [irâde-i] kelâm ediyor: "-Doktor Ensarî, Türkiye Hilâl-i Ahmer Heyʼeti aʻzâsını huzzâra takdîm eder iken, bunların Hilâl-i Ahmer'e îfâ etdikleri hidemât-ı meşkûreden ve heyʼet kâtibi ve tercümânı Tevfik Bey'in faʻâ- liyetinden bahis ve Asyalı arkadâşlar sıfatıyla sırf insânî bir maksad ile Hindlilere mürâcaʻat eden heyʼetin temsîl etdiği cemʻiyetin gâye-i insâniyetkârânesini ayrıca zikir ve binlerce Türk âilesinin el-yevm ıztırâb içinde kaldıklarını ilâve etmişdir. Doktor Ensarî'den sonra Mevlânâ Muhammed Ali ittifâk-ı ârâ ile kabûl olunan âtîdeki teklîfde bulunmuşdur: - Delhi hemşehrilerinin bu mitingi, el-yevm arasında gördüğü Türkiye Hilâl-i Ahmer murah- haslarına [218] samîmî bir sûretde beyân-ı hoş-âmedî eder ve vazîfelerinin mazhar-ı teshîlât olması için elden gelen gayreti sarf edeceğine karâr verir. Bu karârdan sonra Âsaf Ali Efendi ile Mevlânâ Şevket Ali, Mevlânâ Mazhareddin evvelki hatîblerin sözlerini teʼyîd etdikden sonra Türkiye Hilâl-i Ahmer murahhasları söz almışlar ve en sonra heyʼet kâtib ve tercümânı Tevfik Bey, Yunan vahşetlerinin kurbânı olan binlerce gayr-ı muhârib Türk âilesinin evsiz olduklarını, perîşân bir hâlde yaşadıklarını Acemce olarak uzun uzadıya anlatdıkdan sonra Hilâl-i Ahmer'in derʻuhde etdiği ağır vazîfeyi daha çok misâller ile isbât etmiş ve Hilâl-i Ah- mer'e karşı gösterilecek teveccühün heyʼetin aʻzâlarını iʻzâz u ikrâm etmek ile değil, belki onları bu- raya kadar gelmelerine sevk eden gâyeyi kuvveden fiʻle çıkarmağa çalışmak ile irâʼe edilmesi lâzım geleceğini söylemişdir". _______________ İzmir Hilâl-i Ahmer Merkezi Faʻâliyeti İzmir Hilâl-i Ahmer Merkezi'nin idâresinde ber-vech-i âtî iki dispanser ve iki hastahâne mev- cûddur: 1-İkiçeşmelik Dispanseri: Mahallî muhtâcîn ahâlîsinin tedâvîsine mahsûs olup şehrî iki-üç bin hasta mürâcaʻat etmekdedir. 2-Kemer İstasyonu'nda muhâcirîn misâfir barakalarındaki dispanser: Bu dispanser 27 Kânûn-ı Evvel'de küşâd edilmiş ve şimdiye kadar gelip sevk olunan muhâcirîn adedi 2-3 bin râddesinde bu- lunmuşdur.