HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1250 3-Kemer İstasyonu civârında Tepecik Hastahânesi: Muhâcirîne tahsîs edilmiş olan işbu has- tahâne gâyet muntazam bir binâ olup alt katı muʻâvenet-i ictimâʻiyenin taht-ı idâresinde olmak üzere emrâz-ı sâriyeye tahsîs ve üst katı kâmilen Hilâl-i Ahmer'e terk edilmişdir. Hastahânenin mevcûd ya- tağı 30'dur. Emrâz-ı sâriyeye tahsîs edilen alt katı ile berâber aʻzamî 80 yatak hadd-i istîʻâbîyi hâizdir. 4-Torbalı'da Tepeköy Hastahânesi: Sıtma mücâdelesine tahsîs edilmiş olan işbu hastahâne der- dest-i inşâ olup Nisan'a kadar ikmâli meʼmûl bulunmakdadır. 5-Bunlardan başka îcâbı hâlinde muhâcirîne mahsûs olmak üzere bütün levâzımı ihzâr edilmiş olarak İzmir kordonunda küşâdı tasavvur edilen hastahâne vardır ki, ihtiyâc vukûʻunda ihzârıyla teʼsîsi mümkün görülmekdedir. _______________ İzmir'de Mübâdele Tahkîk Komisyonu İzmir'de mübâdeleye âid bazı mesâili tahkîk için Dâhiliye, Müdâfaʻa-i Milliye ve Sıhhiye ve Muʻâvenet-i İctimâʻiye Vekâlet-i Celîleleriyle Hilâl-i Ahmer Cemʻiyeti murahhaslarından teşekkül eden komisyona merkez-i umûmî aʻzâsından Doktor Hakkı Şinasi Paşa intihâb edilmişdir. _______________ Adalar Şuʻbesi Büyükada Hilâl-i Ahmer aʻzâ-yı müessise ve âilesi 1 Kânûn-ı Sânî [1]340 târîhinde bi'l-ictimâʻ sene-i merkûme için alınacak iki aʻzâ yerine Yenişehirli Celâl Galib ve Polis Müdüriyeti Birinci Şuʻ- be Müdür-i sâbıkı Nevzad Beyler intihâb ve bu vechile teşekkül eden şuʻbe heyʼeti riyâsetine Cafer Fahri ve kâtib-i umûmîliğine Talha ve veznedârlığa Düyûn-ı Umûmiye Muhâsebecisi Leon Bey in- tihâb edilmiş ve keyfiyet merkez-i umûmîce tasdîke iktirân etmişdir. _______________ [219] Adana Hilâl-i Ahmeri'nin Faʻâliyeti Adana Hilâl-i Ahmer Heyʼet-i Merkeziyesi dispanserleri 1339 [1923] senesi Kânûn-ı Sânî bidâ- yetinden sene-i mezkûrenin Eylül nihâyetine kadar 22.234 kişiyi muʻâyene ve frengi illetine mübtelâ olan 253 şahsa 21.420 santigram neo-salvarsan tatbîk etmişdir. _______________