HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1258 Hilâl-i Ahmer Denizli Merkezi Denizli'de 17 Kânûn-ı Evvel [1]339 [Aralık 1923] târîhinde Dâire-i Hükûmet'de akd-i ictimâʻ eden aʻzâ-yı müessise ve âmile tarafından intihâb olunan heyʼet-i merkeziye ber-vech-i âtîdir: Sıhhiye Müdürü Hüseyin Ali Bey, [223] Eczâcı Hüsnü Bey, Muʻallim Talat Bey, Doktor Ali Rıza Bey, Saraçoğlu Ali Ragıb Bey, Hacı Yusufzâde Yusuf Kenan Bey, Eczâcı Kadri Bey, Maʻârif Başkâtibi Nevzad Fikret Bey, Baytar Müfettiş Muʻâvini Ahmed Rifat Bey, Çopuroğlu Fahri Akçako- ca Bey, Müftüzâde Kâzım Efendi, Defterdâr Cemal Bey. Zevât-ı mûmâileyhimden heyʼet-i idâreye ayrılanlar da şunlardır: Reîs-i Evvel: Sıhhiye Müdürü Hüseyin Ali Bey Reîs-i Sânî: Saraçzâde Ali Ragıb Bey Kâtib: Maʻârif Başkâtibi Nevzad Fikret Bey Veznedâr: Belediye Eczâcısı Hasan Hüsnü Bey Veznedâr Muʻâvini: Hacı Yusufzâde Yusuf Kenan Bey _______________ Kömür Tevzîʻâtı Cemʻiyetimiz tarafından Çapa pavyonlarında ve bilhâssa bu pavyonların bodrum katlarında ve Şehremini ve Topkapı civârında sâkin pek fakîr ve bîkes âilelerden 286 âileye 4.290 kilo kömür tevzîʻ edilmişdir. _______________ Hilâl-i Ahmer Dispanserleri Geçen Şubat zarfında Hilâl-i Ahmer Üsküdar Dispanseri'nde 938 hasta muʻâyene edilmiş ve muʻâyene edilenlere meccânen ilâc dahi verilmişdir. Aynı müddet zarfında Cağaloğlu Dispanseri'nde 785 kişi tedâvî edilerek bunlardan 474 kişiye talebleri üzerine meccânen ilâc verilmişdir. _______________ Salîb-i Ahmerler Âilesinde Avusturya Salîb-i Ahmer Cemʻiyeti tarafından neşredilmeğe başlamış olan Avusturya Salîb-i Ah- mer[i] adlı aylık mecmûʻanın ilk nüshasını aldık. Refîkimizi tebrîk ve muvaffakiyet temennî ederiz. _______________ Yeni Neşriyât Cava'nın Weltevreden şehrinde Arabca olarak intişâr etmeğe başlamış olan ez-Zahîretü'l-İslâ- miye nâmında dînî ve edebî bir risâle-i şehriyenin ilk iki nüshasını aldık. Yeni refîkimizi tebrîk ve muvaffakiyet temennî ederiz. _______________