HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1262 Muhtelit Mübâdele Komisyonunca verilen karâr üzerine Kayalar mıntıkasından on bin, Koza- na'dan sekiz bin beş yüz, Vodine ve Karacaova'dan on bin nüfûsun Türkiye'ye nakli kabûl edilmişdir. Kozana mıntıkasından nakliyâta 5 Mart [1]340 [1924] târîhinde başlanarak yirmi günde hitâm bulacakdır. İşbu mıntıkadan ilk nakliyâtı teşkîl eden sekiz bin beş yüz nüfûsun köylerinden Karafer- ye İstasyonu'na kadar katʻ edecekleri mesâfe 40 ilâ 65 kilometrelik karayolu olduğundan Kozana'da 1.500, Ahadova'da 1.000 ve Karaferye İstasyonu'nda 1.000 kişi istîʻâbına elverişli üç misâfirhâne teʼsîs edilmişdir. Ahadova ve Karaferye'de çadırlar rekz ile yorgun ve muhtâc halka çorba ve ekmek tevzîʻ ve hastaları tedâvî edilecekdir. Kayalar'dan dahi nakliyât 7 Mart'da başlaması mukarrerdir. Buradan da bir ay içinde yukarıda arz etdiğimiz üzerine on bin nüfûs nakledilecekdir. Bu heyʼet Soroviç'i merkez ittihâz etmişdir. Vodine ve Karacaova mıntıkaları için ve Vodine'de küşâd edilecek küçük misâfirhânenin idâresi Selanik İmdâd-ı Sıhhî Heyʼeti'ne verilmişdir. Garbî Makedonya'da emrâz-ı sâriye mevcûd olduğu hakkında deverân eden şâyiʻalar hakkında merkez-i umûmîmizce icrâ edilen tahkîkât netîcesinde son bir ay zarfında bütün Garbî Makedonya'da Rum muhâcirlerinde üç münferid lekeli [227] hummâ vakʻası görüldüğü ve vazʻiyet-i sıhhiyede mû- cib-i endîşe bir hâl bulunmadığı anlaşılmışdır. _______________ Tuzla İmdâd-ı Sıhhî Heyʼeti Bir aralık Darıca'ya nakledilmiş olan Tuzla Dispanseri bilâhare görülen lüzûm ve ihtiyâc üzeri- ne tekrâr Tuzla'nın münâsib bir mahallinde teʼsîs edilerek fukarâ ve muhtâcînin muʻâyene ve tedâvî- lerine devâm etmekdedir. Geçen Kânûn-ı Sânî ve Şubat aylarında Tuzla'da muhâcîrinden 134 nüfûsa don, gömlek, ayak- kabı, elbise, kaput, çorab ve battâniye tevzîʻ edildiği gibi Darıca'da dahi muhtâcîne aynı sûretle muʻâ- venetde bulunulmuşdur. Tahaffuzhâne civârında misâfirhâne teʼsîsi için gönderilen baraka malzemesiyle 15 Kânûn-ı Sânî'den iʻtibâren inşââta mübâşeret olunmuş ve ikmâli kuvve-i karîbeye gelmişdir. İstasyon civârındaki tahaffuzhânede teʼsîs olunan yirmi beş yataklı hastahâne için tefrîk olunan aksâmda muktezî taʻmîrât ve taksîmât 2 Şubat sene [1]340 [1924] târîhinde ikmâl edilmişdir. _______________ Drama İmdâd-ı Sıhhî Heyʼeti Nefs-i Drama ve mülhakâtında şimdiye değin tifüs, dizanteri vesâire gibi emrâz-ı sâriye musâbî- nine tesâdüf edilemediği gibi kasaba ve civârı halkının hayât ve sıhhatleri ile alâkadâr meʼmûrîn-i mahalliyeden bu havâlînin bu gibi ilel-i müstevliyeden masûn olduğunu teʼmîn etmekdedirler. Yalnız her yerde olduğu gibi Drama'da da beledî şekilde hüküm-fermâ birkaç hummâ-yı tifoidi ile adedi mahdûd dizanteri mâhiyetinde nezle-i emʻâya tesadüf edilmekdedir. Maʻamâfîh, hicret edecek eşhâsa dizanteri aşısı tatbîk olunmakdadır.