HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1263 Drama ve havâlîsinden 31 Kânûn-ı Sânî [1]340 [Ocak 1924] târîhine kadar mevâkiʻ-i muhteli- feye ancak dört bin nüfûs hicret edebilmişdir. Bunlardan mâʻadâ hâl-i hâzırda takrîben 60.000 kadar nüfûs bulunmakdadır. Mâniʻa-i fevkalâde zuhûr etmediği takdîrde tertîbât-ı hâzıra programına nazaran bu nüfûsun Mayıs nihâyetine kadar naklolunabileceği ümîd olunmakdadır. Drama'da yolların mefkûdiyetine, iklîmin ârızasına, vesâit-i nakliyenin fikdânına inzimâm eden şiddet-i şitâ nakliyâtı müteessir kılmakdadır. Hilâl-i Ahmer'den gönderilen iki yüz çadır mevâkiʻ-i muhtelifeye taksîm edilerek birinci konak teʼsîs edilmişdir. _______________ Mersin İmdâd-ı Sıhhî Heyʼetinin Bir Aylık Mesâʻîsi 15 Şubat [1]340 [1924] târîhinde Kandiye muhâcirlerinin vürûdu üzerine faʻâliyete dâhil olan Mersin Heyʼet-i Sıhhiye-i İmdâdiyesi hastahâneye 10 hasta yatırmış ve 645 kişiyi de ayakda taht-ı tedâvîye almışdır. Hastahâneye yatırılanlardan biri zâtürriʼeden vefât edip dokuzu kesb-i âfiyetle çıkmış ve has- tahânede hasta kalmamışdır. Muhtâc-ı muʻâvenet olanlara âtîde mikdâr ve esâmîsi muharrer on üç parça eşyâ-yı muhtelife tevzîʻ edilmişdir: Aded Çocuk çamaşırı 59 Entâri 63 Potin 18 Çift çorab 30 Çocuk pantolonu 11 Fes 4 Aded Battâniye 110 Kaput 70 Ceket 48 Pantolon 26 Gömlek 90 [228] Don 86 Picama 14 Misâfirhânede bulunup Adana havâlîsine müretteb olan 900 muhâcir 28 Şubat'a kadar tamâmen mahall-i müretteblerine sevk olunmuşdur. Mersin'e iskân edilen muhâcirînden mürâcaʻat edenler dahi ayakda tedâvî edilmekdedir. _______________ Yeni Gelen Mübâdeleye Tâbiʻ Ahâlî 24 Şubat târîhinden 15 Şubat târîhine kadar Selanik ve Kavala limânlarından tâlî komisyonlar maʻrifetiyle Türkiye'ye sevk edilen ahâlî: Vapurun İsmi Mahall-i Hareketi Muhâcirîn Adedi Târîh-i Hareket Antalya Selanik 1.035 24 Şubat Sürʻat Kavala 656 3 Mart Sulh Selanik 1.485 9 Mart