HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1265 Bu komite geçen Teşrîn-i Sânî'nin on yedisinde 150 tonilato erzâk ve meʼkûlât ve 12 Kânûn-ı Evvel'de ikinci defa 100 balya mevâdd-ı gıdâiye ve elbise ve üçüncü defa 15 Kânûn-ı Sânî'de 25.000 kilo un, 10.000 kilo yağ, 9.000 kilo kakao, 45.000 kilo ringa balığı, 25.000 kilo şeker, 150 fıçı morina balık yağı, 130 balya elbise, 400 paket muhtelif teberruʻâtı göndermişdir. Norveç Salîb-i Ahmer Mecmûʻası 'nın Kânûn-ı Evvel ve Sânî nüshalarına nazaran komite el- yevm on bin çocuğun iʻâşesini derʻuhde etdiği gibi dârüleytâmlarla eşhâs-ı husûsiyeye de muʻâvenet etmekdedir. Norveç Salîb-i Ahmer Komitesi, Berlin Salîb-i Ahmer binâsı dâhilinde ekserîsi muʻallim olmak üzere iki yüz kişilik bir kantin de küşâd etmişdir. _______________ Gürcistan'da Malarya Malarya'dan en ziyâde ıztırâb çeken memleketlerden biri de şübhesiz Gürcistan Cumhûriye- ti'dir. Bazı mevâkiʻ-i mürtefiʻası istisnâ edilince maraz, memleketin hemen her tarafına sirâyet etmiş gibidir. Bazı merâkizde ise musâbînin mikdârı yüzde seksen, seksen beş râddelerinde ve hattâ diğer bazı yerlerinde % 100'ü bulmakdadır. 1923 senesinde Gürcistan'da inʻikâd eden malarya kongresinde tutulan zabıtnâmeler, 1921- 1922 senesi zarfındaki vukûʻât-ı maraziyeyi 1.500.000 ilâ 1.700.000 olmak üzere kaydetmekde ve diğer senelerde mikdâr-ı mezkûr 800.000'den aşağı düşmemekdedir. Hâlbuki Gürcistan'ın nüfûs-ı hâzırası 2.500.000'den fazla değildir. 1921-1922 senesi erkâmında görülen bu tezâyüd memleketde kinin bulunmamasına atfedil- mekdedir. Sene-i mezkûre zarfında memleketde mevcûd kinin mikdârı kırk kilo olup pek az zamân zarfında tükenmiş ve 1922'de Sıhhiye-i Umûmiye Ahâlî Komiserliği yüz kilo kinin tevdîʻ edebilmişdir. Kurâ ve kasabâtda az mikdârda eczâhânelerde bulunan kinin halkın istifâde edemeyeceği de- recede gâyet fâhiş fiyâtlarla satılmakda olduğundan malaryanın cezrî tedâvîsi mümkün olamamış ve birçok mahallerde maraz beledî bir hâl almış ve yeniden mihrâklar teşkîl ve erkâm-ı vefeyâtı fevkalâ- de tezyîd etmişdir. Hâl ve vazʻiyetin fecâʻati cihânın nazarını buraya celb eylediğinden 1923 senesi Nisan'ında Gürcistan Malarya Kongresi akdedilmişdir. Gürcistan Cumhûriyeti'nin aksâm-ı mühimmesinde mikdâr-ı vefeyâtın erkâm-ı tevellüdâtdan fazla olduğunu bu kongre zabıtnâmeleri isbât etmekdedir. Malarya için mücâdele tedâbîrine gelince; evvelâ Şimendiferler İdâresi'nin 1921 senesinde yapdığı malarya mücâdele teşkîlâtı görülür. İdâre-i mezkûre tedrîcen mübâyaʻa ve tedârük eylediği kinin ile biri Tiflis'de, diğeri Soran'da olmak üzere iki malarya hastahânesi küşâd ederek [230] 1923 târîhine kadar demiryollardaki meʼmûrînine mikdâr-ı kâfi kinin tevzîʻâtına muvaffak olmuşdur. Bun- dan mâʻadâ 1923'de emrâz-ı hârre için bir enstitü küşâd etmiş ve bulaşık arâzîyi teybîse ve mazot ile sulamağa başlamışdır. Sâniyen, 1921 târîhinde hükûmet komiseri tarafından teşkîl edilen heyʼet-i seferiyeye ancak 10,