HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1266 15 kilo kinin verilebileceği hâlde 1922 senesinde teşkîl olunan heyʼet-i seferiye-i sıhhiyeye yüz kilo iʻtâ edilmişdir. 1922 senesinde komiserliğin malaryalılara mahsûs teşkîl etdiği sıhhiye istasyonunun ihzâr et- diği dört heyʼete 185 kilo tevdîʻ ve bundan mâʻadâ 1921 senesinde küşâd edilmiş olan emrâz-ı hârre şuʻbesi dahi nefs-i Tiflis ile şimendifer güzergâhında malarya mücâdelesine iştirâk etmişdir. Sıhhat-i umûmiyenin 1921 târîhinde kesb etdiği vehâmet dolayısıyla Gürcistan Salîb-i Ahmeri küşâd etdiği bir seyyâr dispanserde meccânen kinin tevzîʻ ve 1923 târîhinde işbu faʻâliyetini tevsîʻ eylemişdir. Malaryaya tahsîs edilen menâbiʻin ekall-i kalîl bir derecede bulunmasına binâen arâzînin tey- bîsi ve halka ve taht-ı tedâvîde bulunanlara tevzîʻâtı bi-hakkın îfâ edilememekdedir. Hâlbuki yapılan vasatî hesâba nazaran Gürcistan'in senede muhtâc olduğu kinin mikdârı 25.000 kilodur. Hâl-i hâzırda ise memleket büyük bir teehhurla ancak elli ve nihâyet yüz kilo kinin tedârük edebiliyor. Şimendiferler İdâresi'nin Mâverâ-yı Kafkas'da yapdığı mücâdeleden mâʻadâ bugün Gürcis- tan'da tekmîl malarya mücâdelesini Sıhhiye-i Umûmiye Ahâlî Komiserliği ile Salîb-i Ahmer Cemʻi- yeti derʻuhde etmişdir. Arnavud Salîb-i Ahmeri Şimâlî Arnavudluk'da icrâ-yı hükmeden kaht ve sefâlet dolayısıyla Arnavud Salîb-i Ahmeri, Beynelmilel Salîb-i Ahmer Merkez Komitesi'ne tahrîren mürâcaʻat ederek buğday, mısır ve hubûbât-ı sâire taleb etmişdir. _______________ Ciraolo Projesi Cemʻiyet-i Akvâm tarafından hükûmetlere tevdîʻ edilen Ciraolo projesine âid risâle hakkında millî Salîb-i Ahmer Cemʻiyetlerinin nazar-ı dikkatini celb etmek üzere Muhtelit Komisyonca bir tah- rîrât-ı umûmiye ihzâr edilmekdedir. _______________ Frenginin Menʻ-i Sirâyeti Hakkında Kânûn Mâdde 1- Her frengili istediği bir tabîbe kendisini tedâvî etdirmeğe, şekil ve müddet-i tedâvîsi hakkında tabîb-i müdâvîsinden alacağı musaddak vesîkayı nezdinde bulundurmağa mecbûrdur. Mâdde 2- Her tabîb müşâhede etdiği frengi vekâyiʻini ihsâiyât tanzîmine medâr olmak üzere hüviyet tasrîh etmeksizin yirmi dört sâʻat zarfında hükûmet tabîbine, bulunmayan yerlerde belediye tabîbine ihbâr etmeğe mecbûrdurlar. Mâdde 3- Taʻyîn edilen günlerde tedâvîye gelmekden imtinâʻ eden frengilileri, tabîb-i müdâvî- leri ihbâr etmeğe mecbûrdurlar. Mâdde 4- Tabîb-i müdâvîler hastalığın âhara menʻ-i sirâyetini teʼmîn için marazın eşkâl-i mü-