HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1267 himme-i sirâyetini hâvî hastalarına zîri imzâlı "vesâyâ-yı sıhhiye varakası" vermeğe ve hastalar da işbu vesâyâ ahkâmına riʻâyet etmeğe mecbûrdurlar. Mâdde 5- Sıhhî teehhül muʻâyenesi muʻâmelâtı [231] vilâyet veya livâ umûmî meclislerince tanzîm edilen taʻlîmâtnâmeler vechile tatbîk ve cereyân etdirilir. Mâdde 6- Ale'l-umûm frengililer müessesât-ı sıhhiye-i resmiyede etıbbâ-yı resmiye tarafından meccânen tedâvî edilir. Mâdde 7- İşbu kânûn ahkâmına ve ona müteferriʻ şûrâlarca yapılan taʻlîmâtnâmelere riʻâyet etmeyenler on liradan elli liraya kadar cezâ-yı nakdîye mahkûm edilirler. Mâdde 8-Frengi hastalığıyla maʻlûl olan eşhâs hastalığın âhara sirâyetine bilerek sebebiyet ver- diği takdîrde altı aydan iki seneye kadar hapsolunurlar veya yüz liradan beş yüz liraya kadar cezâ-yı nakdî alınarak mutazarrır olan şahsa verilir. Zevcinden biri diğerine bu hastalığı naklederse cezânın hadd-i aʻzamı tatbîk olunur. Bu takdîrde taʻkîbât-ı kânûniye icrâ edilebilmek için maʻlûl zevc ve zev- cenin şikâyet-i şahsiyesi şartdır. Mâdde 9- Frengiyi tedâvîye cürʼet eden mutatabbibler iki aydan iki seneye kadar hapis veya elli liradan yüz liraya kadar cezâ-yı nakdîye mahkûm edilir. Mâdde 10- İşbu kânûn ahkâmının tatbîki esnâsında ashâb-ı mürâcaʻata îkâʻ-ı müşkilât eden etıbbâ üç aydan iki seneye kadar hapis ve muvakkaten rütbe ve meʼmûriyetden tard edilir. Mâdde 11- İşbu kânûn târîh-i neşrinden iʻtibâren merʻiyyü'l-icrâdır. Mâdde 12- İşbu kânûnun icrâsına Adliye ve Sıhhiye vekîlleri meʼmûrdurlar. 26 Cemâziyelevvel 1339 ve 5 Şubat 1337 [1921] Taʻlîmâtnâme Frenginin menʻ ve tahdîd-i sirâyetine dâir 26 Cemâziyelevvel [1]339 ve 5 Şubat [13]37 [1921] târîhli kânûnun beşinci mâddesi mûcebince tanzîm kılınan taʻlîmâtnâmedir: Mâdde 1- Teehhül edecek kadın ve erkek kable'n-nikâh etıbbâya muʻâyene olunarak sıhhat raporu ve aşı şehâdetnâmesi istihsâl eylemeğe mecbûrdur. Mâdde 2- Bu gibi vesâiki ibrâz etmeyenlerin kıbel-i şerʻden akd-i nikâhına müsâʻade olunamaz. Mâdde 3- Vilâyet dâhilinde münâkehât muʻâyeneleri resmî ve husûsî etıbbâ ve mensûbîn-i sıhhiye tarafından meccânen icrâ kılınır. Ancak mesâkin-i husûsiyeye daʻvet olunan etıbbâya muʻtâd olan ücret-i azîmet verilecekdir. Mâdde 4- Sıhhat raporları Türkiye dâhilinde icrâ-yı tabâbete meʼzûn etıbbâ tarafından ve bun- ların mevcûd olmadığı takdîrde resmî kâbileler ve bunların mevcûd bulunmadığı mahallerde diplo- malı kâbileler tarafından bi'l-muʻâyene verilir ve çiçek aşısı yapılır. Bunlar da olmadığı sûretde ehl-i vukûf tarafından muʻâyene edilir. Mâdde 5- Tarafeynden birinin frengili olduğu takdîrde fennen kabûl olunan usûl-i tedâvînin tatbîkinden ve kan muʻâyenesi icrâ kılınarak menfi netîce istihsâlinden sonra teehhülüne müsâʻade olunabilir. Belsoğukluğunun dahi bertaraf olduğu bakteriyolog raporuyla sâbit olur ise ancak teehhül- lerine müsâʻade olunabilir.