HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1268 Mâdde 6- Kâbiliyet-i tenâsüliyeyi hâiz olmayacak derecede sagîru's-sin olanların ve kezâlik kavî nesil yetişmesine mâniʻ olacak ilel ü emrâz ile maʻlûl bulunanların tedâvîsi icrâ olunmadıkça teehhüllerine müsâʻade olunamaz. [232] Mâdde 7- Ahâlî-i kurâ arasında emrâz-ı zühreviyenin tekessürü dolayısıyla merâkiz-i hükûmete karîb veya uzak kurâ sekenesinden teehhül edecek tarafeynin dahi kable'n-nikâh muʻâye- nesiyle rapor ve çiçek aşısı şehâdetnâmesi istihsâl eylemeleri mecbûrîdir. Mâdde 8- Kable'n-nikâh muʻâyene olunacak tarafeynin hüviyetleri heyʼet-i ihtiyâriye ilmüha- beriyle teşhîsen muʻâyeneye sevk edilecekdir. Mâdde 9- Kendileri yerine âharı muʻâyeneye sevk etdiği anlaşılanlar hakkında taʻkîbât-ı kânû- niye îfâ edilir. Mâdde 10- Kable'n-nikâh muʻâyene edilmesi lâzım gelen tarafeynden birine hilâf-ı hakîkat rapor verenlere hakkında arîz u amîk muʻâyene etmemek ve adem-i dikkat dolayısıyla dahi taʻkîbât-ı kânûniye yapılır. Mâdde 11- İşbu taʻlîmâtnâmeye riʻâyet etmeyenler frenginin menʻ ve tahdîd-i sirâyeti hakkın- daki kânûnun yedinci mâddesi mûcebince tecziye olunurlar. Mâdde 12- İşbu taʻlîmâtnâme, Meclis-i Umûmî-i Vilâyetçe kabûl olunarak vilâyet dâhilinde bi'l-cümle kazâ ve nevâhî kurâ ve mahallât heyʼet-i ihtiyâriyelerine teblîğ edildiğine dâir heyʼât-ı mezkûre tarafından mazbatalar alındıkdan sonra muʻteber olacakdır. Receb 1342 ve 16 Şubat 1340 [1924] _______________ Samsun Vilâyeti'nde Tıbbî Cevelân, Memleketin Acıklı Derdleri Cildiye Müderris Muʻâvini Hasan Reşad "-Samsun vilâyetine tâbiʻ Çarşamba kazâsında bulunan pederimi ziyâ[re]te giderken râkib olduğum vapur Zonguldak'dan iʻtibâren Anadolu'nun kâh kayalık kâh kumsal zümürridîn sevâhili önünden seyrediyordu. Bana henüz yabancı olan bu sâhilin letâfet-i tabîʻiyesini temâşa eylemekle berâber kendimce muvâfık bulduğum bazı mevâkiʻe sanatoryum inşâ kılındığı takdîrde verem hasta- lığının memleketimizden süpürüleceğine de itmiʼnân hâsıl ediyor idim. İhtisâsâtımı vapurda bulunan Samsun Frengi Hastahânesi Sertabîb Vekîli muhibb-i azîzim Doktor Nuri Osman Bey'e söylediğim vakit mûmâileyh bu husûs için en güzel mahallin İnebolu'ya iki buçuk sâʻat mesâfede bulunan Ecevid nâmındaki mevkiʻ olduğunu zikreyledi. Samsun'da berây-ı tebdîl-i havâ Ecevid'de bir buçuk ay imrâr-ı evkât eyleyen Sekbânzâde Refik Bey ile görüşdüm. Mûmâileyhden ahz eylediğim muhtırayı ber-vech-i zîr aynen derc eyliyorum: - İnebolu'dan Ecevid kırk altı kilometre. Otomobil ile iki buçuk, araba ile yedi sâʻatde gidilir. Sath-ı bahrdan irtifâʻı 1.160 metredir. Derece-i harâret sıcağın en şiddetli zamânlarında bile 23-25