HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 31 1273 kılınması lâzım bulunduğunu meʼmûrlara öğretmek iktizâ eyler. Mücâdeleye bir kere tütsüden bedʼ olundu mu fenâlığın daha çabuk önü alınmak kol şırıngaları (neo-salvarsan) yapmak ile kâbil imiş diyerek musâbîni ale't-tedrîc vilâyet merkezlerine veya kazâlara sevke saʻy etmelidir. Yoksa gördü- ğüme ve anladığıma nazaran hiç kimse müdâvâta gelmez ve marîz zamânında bulunduğu mevkiʻin anʻanesi merkeze olan kurbiyet veya buʻdiyeti ile mütenâsib bir tedâvî ile iktifâ eyler. Âtîdeki istatis- tik husûs-ı mezkûru pek güzel îzâh ediyor". Hilâl-i Ahmer Frengi Dispanseri'nin 4 Buçuk Senelik İhsâiyât Cedvelidir. Cağaloğlu'nda Tıb Fakültesi Serîriyât-ı Mütenevviʻa binâsı dâhilinde [1]335 [1919] senesi Kânûn-ı Sânî'sinde teʼsîs edilen Hilâl-i Ahmer Frengi Dispanseri, serîriyât-ı mütenevviʻa-i mezkûre- nin seddi zamânına musâdif [1]339 [1923] senesi Eylül'üne kadar dört sene dokuz ay müddetle icrâ-yı faʻâliyet eylemişdir. Bu müddet zarfında ferden 710 kadın ve 767 [erkek] ki cemʻan 1.477 marîz mürâcaʻat etmiş ve bunlardan frengi tedâvîsinde her şahıs için tatbîk edilen tedâvî-i müteʻaddide sebebiyle kadınların aded-i mürâcaʻatı 1.048'e ve erkeklerinki 1.066'ya irtikâ eylemişdir. 710 kadından 438'i ve 767 erkekden 562'si birinci devreyi bile ikmâl etmeden tedâvîden ferâğat eylemişlerdir. 140 kadın ve 116 erkek yalnız bir, 50 kadın ve 40 erkek iki, 32 kadın [ve] 19 erkek üç, 20 kadın [ve] 19 erkek dört, 7 kadın [ve] 6 erkek beş, 10 kadın [ve] 13 erkek altı, 5 kadın [ve] 5 erkek yedi devre-i tedâvî taʻkîb etmişlerdir. Ancak 8 kadın ve 7 erkekden ibâret 15 kişi dört sene muntazaman her gün gelmişlerdir. [237] Ferden Vâkiʻ Olan Mürâcaʻat Aded[en] Vâkiʻ Olan Mürâcaʻat Kadın Erkek Mecmûʻu Kadın Erkek Mecmûʻu Kürünü ikmâl etmeyen 438 542 980 438 542 980 % 65 Bir kür alan 140 116 256 140 116 256 % 17 İki kür alan 50 40 90 100 80 180 % 6 Üç kür alan 32 19 51 96 57 153 % 3,3 Dört kür alan 20 19 39 80 72 152 % 26 Beş kür alan 7 6 13 35 30 65 % 0,9 Altı kür alan 10 13 23 60 78 138 % 1,5 Yedi kür alan 6 5 10 35 35 70 % 0,6 Sekiz kür alan 8 7 15 64 56 120 % 1 710 767 1.477 1.048 1.066 2.114 _______________