HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 32 1297 bulundukları yerlerde câmiʻ olmadığından bunlar da bayramlaşmak için toplandıkları yelerden istifâ- de ederler. Bir Ricâ: Türkçe gazetelerin ve muhtelif lisânlarda neşrolunan cerâid-i İslâmiye'nin bu küçük beyânnâmeyi sütûnlarında neşir ve derc eylemelerini hakkımızdaki dâimî lütuf ve teveccühlerinden ricâ ve niyâz ederiz. Hilâl-i Ahmer Mecmûʻası Ramazan ve Bayram Tebriği Şeref-hulûl eden Ramazân-ı şerîf ile mütekarribü'l-hulûl olan îd-i saʻîd-i Fıtr münâsebetiyle mecmûʻamız bütün kâriîn ve müteberriʻîn ve mütevassıtîn-i kirâm ile cemʻiyetimize her nevʻ muʻâveneti dirîğ buyurmayan muhterem Türk ve İslâm mat- bûʻâtına ve her fırsatda cemʻiyetimiz hakkında muzâheretde bulunan kâffe-i müʼ- minîn ve müʼminâta arz-ı tebrîkât eyler ve bu vesîle ile de her vakit ve bilhâssa ahâlî mübâdale edildiği şu sırada devâm-ı teveccüh ve muʻâvenetlerini ricâ eder. İCTİMÂʻÎ HIFZISSIHHA -9- Solucan Anadolu'nun pek eski zamânlardan beri yerleşmiş ictimâʻî bir derdi de solucandır. Fi'l-hakîka bu ülkede kadîmden beri yaşayanlar ve herhangi bir sebeble bir müddet oturanların karınlarında mürûr-ı zamânla solucanlar hâsıl olduğu ve tamâmen zararsız telâkkî edilen bu bağırsak tufeylâtını ara sıra mecrâ-yı hazmîden çıkardıkları her dâim görülüyor. Bu münâsebetle memleketi- mizin herhangi bir köşesinde hıfzıssıhhanın en basît kavâʻidini bile ihmâl ederek lâkaydâne imrâr-ı hayât edenlerin günün birinde solucan veya sâir bağırsak kurdlarına musâb olacakları şüphesizdir. Esâsen marazî olan bu hâl mürûr-ı zamânla ve halkda hâsıl etdiği intibâʻ ile tabîʻî bir şekle inkılâb etmiş ve el-yevm halkın dilinde "solucansız adam olur mu?" suâli bile meydâna çıkmışdır. Solucan hilkatin benî beşere taslît etdiği bir hastalıkdır. İnsân bağırsağında tufeylî olarak ya- şayan, erkek ve dişi olarak tekessür ve tenâvül eden bu hayvân herhangi bir sûretle ızrâr edilmezse mütemâdî yumurtlamasıyla aylar, senelerce idâme-i hayât ve nesil eder. Dişilerinin boyu kırk, erkek- lerin yirmi beş santimetre olarak ölçülmüşdür. Bağırsak derûnunda münferid ve zâtü'z-zevc olarak bulunduğu gibi âilevî şekilde ve bir yumak tarzında da görülüyor. Adedleri pek muhtelifdir. Bazı eşhâs ve çocuklarda birkaç taneden fazla değildir. Hattâ tek solucanı olanlar bile vâkiʻdir. Hassâs olmayan ihmâlkâr eşhâsda [251] mürûr-ı zamânla tekessür ederler. Husûsî ilâc teʼsîriyle yedi yaşında bir çocuğun yetmiş iki aded, Harb-i Umûmî'de bir askerin iki yüz on beş solucan düşürdüğü müşâhede edilmişdir.