HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 32 1301 Hilâl-i Ahmer Murahhasları İʻmâr ve iskân mıntıkalarında muhâcirîne Hilâl-i Ahmer'in daha müsmir sûretde muʻâvenetle- rini teʼmîn gâyesiyle merkez-i umûmî tarafından muhtelif mıntıkalara iʻzâmı mukarrer murahhaslar- dan merkez-i umûmî aʻzâsından Doktor Hakkı Şinasi Paşa İzmir ve Konya iʻmâr ve iskân mıntıkası ve Haydar Bey merkezi Samsun olmak üzere Karadeniz iʻmâr ve iskân mıntıkası murahhaslıklarına intihâb ve taʻyîn kılınmışlardır. Mûmâileyhim Nisan'ın on birinci Cuma günü kendi mıntıkalarına müteveccihen İstanbul'dan müfârakat eylemişlerdir. _______________ Ankara'ya Azîmet Eden Heyʼet-i Murahhasa Reîs-i Sânî Doktor Âkil Muhtar, Kâtib-i Umûmî Doktor Hikmet ve Müfettiş-i Umûmî İsma- il Besim Paşalardan mürekkeb bir heyʼet-i murahhasa geçen Cumartesi günü mehâfil-i hükûmet- le temâsa gelmek üzere Ankara'ya azîmet eylemişlerdir. Mûmâileyhim mübâdelede taʻahhüd edilen vezâifin hüsn-i îfâsı için sene-i mâliyesi müsâʻid olmayan Hilâl-i Ahmer'e menâbiʻ-i vâridât teʼmîni için hükûmet-i Cumhûriyenin yardımına mürâcaʻat edeceklerdir. _______________ Mösyö Schlemmer Cenevre Beynelmilel Salîb-i Ahmer Merkezi murahhaslarından Mösyö Raymond Schlemmer ahîren şehrimizi ziyâret eylediği esnâda Hilâl-i Ahmer erkânıyla müdâvele-i efkârda bulunmak üzere Hilâl-i Ahmer Merkez-i [255] Umûmîsi'ni ziyâret eylemiş ve mûmâileyhin şerefine merkez-i umûmî tarafından Tokatlıyan'da bir ziyâfet keşîde edilmişdir. Mûmâileyh Cenevre'ye müteveccihen şehri- mizden hareket etmişdir. _______________ Avdet Atina'da Muhtelit Mübâdele Komisyonu'ndan Hilâl-i Ahmer murahhası olarak îfâ-yı vazîfe eden Doktor Ömer Lütfi Bey vazîfesinin hitâmına mebnî şehrimize avdet eylemişdir. Yunanistan'da imdâd-ı sıhhî heyʼetlerinin umûr ve muʻâmelâtını teftîş etmek üzere Selanik, Drama, Kavala, Kayalar ve Kozana'ya azîmet eden Hilâl-i Ahmer müfettişlerinden Nazmi ve Galib Hakkı Beyler lâzım gelen teftîşâtı bi'l-icrâ İstanbul'a avdet eylemişlerdir. _______________ Hindistan Heyʼeti Geçenlerde Hindistan'a azîmet etdiğini yazdığımız Hindistan heyʼeti bu defa avdet ederek tan- zîm etdiği raporu makâm-ı riyâsete takdîm etmişdir. Maʻlûm olduğu üzere heyʼet Antalya Mebʻûsu Hoca Rasih Efendi, Hilâl-i Ahmer Merkez-i Umûmî aʻzâsından Kemal Ömer Bey ve Hilâl-i Ahmer Muhâsebecisi Bedri Nedim ve Tercümân Tevfik Beylerden müteşekkil idi. _______________