HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 32 1302 İzmir Hilâl-i Ahmer Merkezi'nin [1]339 [1923] Senesi İcrâât Raporu İzmir Hilâl-i Ahmer Merkezi'nin [1]339 [1923] senesi icrâât raporunu âtîye aynen naklediyoruz: "-Muhterem Efendiler, Heyʼetimiz, merkezimizin [1]339 [1923] senesi zarfındaki mesâʻîsinin muhassılasını nazar-ı tedkîkini- ze arz ile kesb-i şeref eyler. Vazîfe-i hayriyemiz hakkındaki maʻlûmâtın îzâ- hına mübâşeret etmezden evvel, Reîsicumhûr Gâzî Mustafa Kemal Paşa hazretlerinin Türkiye Hilâl-i Ahmeri'ni himâye-i fahîmânelerine kabûl buyurmuş olduklarını bu vesîle-i hasene ile de tebşîr eder ve bu husûsdaki ihtisâsât ve taʻzîmâtımızı tekrâr eyleriz. Maʻlum-ı âlîleridir ki, heyʼetimiz işbu vazîfe-i hayriyeyi derʻuhde eylediği zamân cemʻiyet kasasın- daki nakd-i mevcûddan başka dâimî bir vâridâta mâ- lik olmadığı hâlde üserâ muʻâmelâtı ve harîkzedelerin elîm vazʻiyetleri gibi cidden hâiz-i ehemmiyet olan ve sürʻat ü istiʻcâli istilzâm eden muʻâvenetler karşısında kalmış ve ahâlî-i muhteremenin muzâheret ve mürü- vvetlerinden emîn olarak mesâʻî programını bu esâsa göre çizmişdi. Âtîde kısm-ı mahsûsunda îzâh olunaca- ğı vechile heyʼetimiz yapılması takarrür eden yardımın karşılığını teʼmîn için aʻzamî faʻâliyetini sarf etmek sûretiyle mesâʻîsinde muvaffak olmuşdur. [256] Yapılan Muʻâvenetler 1-Üserâ Muʻâmelâtı: Yunanistan'da bulunan asker ve sivil esîrlerimizin keyfiyet-i mübâdele- leri Lozan Konferansı'nda karârlaşdırılmış ve üserâ muʻâmelâtıyla öteden beri meşgûl olan Hilâl-i Ahmer'e bu husûsda pek büyük ve gâyet mühim vezâif teveccüh eylemişdi. Kâfile kâfile gelecek binlerce esîr kardeşlerimizin her şeyden evvel sıhhat-i umûmiye nâmına tathîrât-ı fenniyeleri îcâb eylediğinden bunların Klazomen Tahaffuzhânesi'ne ihrâc edilmeleri takarrür etmiş ve Klazomen'in muhît-i muʻâvenet ve mesâʻîmiz dâhilinde bulunması hasebiyle merkeze isâbet eden vazîfe ve muʻâ- venetin derece-i vüsʻat ve şümûlü karşısında bir an bile mütereddid kalmayan heyʼetimiz, merkez-i umûmînin taʻlîmâtı dâiresinde Klazomen'de üserânın iʻâşe ve iskânlarına müteʻallik teşkîlâtı derhâl icrâ etdiği gibi İzmir tarîkıyla memleketlerine sevk olunacak ve içlerinde ulemâ, meʼmûr, eşrâf, as- hâb-ı emlâk ve zürrâʻ gibi bi'l-umûm sunûf halkdan birçok şahsiyetler bulunan bu zavallı kardeşleri- mizin İzmir'de de esbâb-ı istirâhatlerini teʼmînen her defasında 500-1.000 kişiyi müreffehen istîʻâb ve iʻzâz edebilecek derecede mükemmel bir misâfirhâne vücûda getirilmişdi. Tevârîh-i muhte[li]fede İzmir'e vürûd eden binlerce nefer esîrimizin Klazomen'de iʻâşe ve ibâteleri mükemmelen teʼmîn olunduğu gibi içlerinde fakîr ve muhtâc-ı muʻâvenet olanlarına çama- şır, elbise, ayakkabı, palto vesâire gibi mübrem olan levâzım da tevzîʻ olunmuş ve memleketlerine Hilâl-i Ahmer Meclis-i Umûmîsi'nde Adana Murahhası, Yeni Adana Gazetesi Sermuharriri Naci Bey Nadji Bey, rédacteur en chef du journal Yeni Adana , délégué dʼAdana au Congrès du C.R.T.