HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 32 1306 Merkezimiz [1]340 [1924] senesi ibtidâsına anbârdaki bir hayli eşyâ ile 35.642 lira 27 kuruş nakd-i mevcûd devretmişdir. Muhterem efendiler, Merkezimizin bugünkü vazʻiyeti bundan ibâretdir. Muntazam bir usûl-i muhâsebe altında muvaffakiyetle îfâ-yı vazîfe etmekde olan merkezimiz hakkında merkez-i umûmînin tecellî etmekde bulunan hüsn-i nazar ve takdîrine karşı en kalbî ve samîmî teşekkürâtımızı bu vesîle ile de arz u ızhâr eylemeği vecîbeden addederiz. Heyʼetimiz hakkındaki iʻtimâdınız temâdî etdikçe derʻuhde etmiş olduğumuz vezâif-i hayriye ve insâniyemizi menâbiʻ-i umûmiyeye hâdim bir tarz ve şekilde îfâdan bir an fâriğ olmayacağız. Nizâmnâme-i esâsînin 36'ncı mâddesi ahkâmına tevfîkan bu sene kurʻa ile çıkarılacak iki aʻzâ- nın yerine yenilerinin ve 25'inci mâdde mûcebince Hilâl-i Ahmer Meclis-i Umûmîsi'ne iştirâk edecek iki aʻzânın da intihâbını ricâ ederiz. Muhâcirîn ve muhtâcîne çamaşır ihzârında ve iʻânât dercinde bizler de zahîr olan hanımlar heyʼet-i merkeziyesine ve vezâif-i hayriyemizin îfâsı husûsunda aʻzamî teshîlât ve muʻâvenetlerine mazhar olmakda bulunduğumuz İzmir'in muhterem matbûʻâtı erkânına teşekkürât-ı mahsûsamızı tak- dîm ile vezâif-i kudsiyemizde muvaffakiyet temennî eyleriz". _______________ Hilâl-i Ahmer'e Hâricden Gelen Muʻâvenetler Ruscuk ahâlî-i İslâmiyesi'nden 8.915 leva, Hindistan ahâlî-i İslâmiyesi'nden 6.979-3-4 İngiliz lirası, Kahire'de Şâriʻ-i Salîbe'de mukîm Eczâhâne-i Ehliye Sâhibi Muhammed Sabri Bey'den 43 Türk lirası, Amerika'da Detroit Teʻâvün Cemʻiyeti'nden 777 dolar, Buenos Aires Vatan-perver Türk İttifâkı Cemʻiyeti'nden 13-17-3 İngiliz lirası, Mısır'da Kına Müdüriyet Vekîli Ömer Vehbi Beyefen- di'den 5-2-5 İngiliz lirası vürûd etmişdir. Hilâl-i Ahmer bütün bu müteberriʻîn ve mütevassıtîn-i kirâ- ma takdîm-i teşekkürât eyler. _______________ Hilâl-i Ahmer Trabzon Merkezi Hasbe'l-meşgûliye geçen sene inʻikâd edemeyen Trabzon Hilâl-i Ahmer Meclis-i Umûmîsi, bu sene 6 Kânûn-ı Sânî sene [1]340 [Ocak 1924] târîhinde akd-i ictimâʻ ederek yapılmış intihâb netîcesinde Vâlî Nâzım Bey reîs-i evvel, Ziya Bey ile Hatibzâde Mustafa Efendi reîs-i sânî intihâb edilmişlerdir. Evvel emirde 1338 [1922] ve 1339 [1923] seneleri hesâbâtına taʻalluk eden rapor kırâat edi- lerek heyʼetçe umûmiyetle kabûl ve tasdîk olunmuşdur. Müteʻâkiben heyʼet-i merkeziye intihâbına başlanmış ve reʼy-i hafî ile icrâ kılınan intihâb netîcesinde Nemlîzâde Sabri Bey, Hatibzâde Emin Bey, Ziya Bey, Servet Bey, Subaşızâde İhsan Efendi, Kırımlızâde Ali Bey, Polathanelizâde Celâl Efendi, Kazzâzzâde Ahmed Efendi, Doktor Hayri Bey, Kethüdâzâde Ali Bey, Çulhazâde Hüseyin Efendi, Hâfız Mahmud Efendi ale'd-derecât ihrâz-ı ekseriyet eylemişlerdir.