HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 32 1312 Mecidözü Hilâl-i Ahmer Şuʻbesi Mecidözü Hilâl-i Ahmer Şuʻbesi Heyʼet-i İdâresi'ni teşkîl eden zevât şunlardır: Reîs: Hükûmet Tabîbi Doktor Mehmed Ali Bey Veznedâr: Tüccâr-ı muʻtebereden Hakkı Efendi Kâtib: Tüccâr-ı muʻtebereden Ulvan Efendi Aʻzâ: Kadı Mehmed Hulusi Efendi Aʻzâ: Bidâyet Mahkemesi Reîsi Nuri Bey Aʻzâ: Belediye Reîsi Hüseyin Ağa Aʻzâ: Eşrâfdan Hâfız Müştak Efendi _______________ Hilâl-i Ahmer Mahyâda Ramazân-ı şerifin ilk haftasında bir gece İstanbul'da Şehzâde Câmiʻ-i Şerîfi'nin mahyâsı zarîf bir şekil ile tezyîn edilmişdir. Geniş bir sâhada kandîllerden müteşekkil kocaman ve kırmızı bir hilâlin altına "Hilâl-i Ahmer'i Unutmayalım!" cümlesi yazılmışdır. Hilâl-i Ahmer, muhterem mahyâcılarımıza ve bu fikri onlara verenler ile onu kuvveden fiʻle çıkaranlara azîm teşekkürler eder. _______________ Hilâl-i Ahmer Dispanserleri Geçen Mart zarfında Hilâl-i Ahmer Üsküdar Dispanseri'nde 1.131 ve Cağaloğlu Dispanseri'nde 790 hasta muʻâyene edilmiş ve muʻâyene edilenlere meccânen ilâc verilmişdir. _______________ Salîb-i Ahmerler Âilesinde Şimdiye kadar gazete şeklinde intişâr etmekde olan Alman Salîb-i Ahmer Cemʻiyeti'nin resmî cerîdesi, bu defa Alman Salîb-i Ahmer Gazeteleri unvânı altında ve mecmûʻa şeklinde intişâr etme- ğe başlamışdır. Mündericâtı zengin ve mütenevviʻ olan yeni refîkimizi tebrîk, muvaffakiyet ve tûl-i ömür temennî ederiz. _______________ Mübâdele-i Ahâlî İmdâd-ı Sıhhî Heyʼetleri 30'uncu numarada derc etdiğimiz imdâd-ı sıhhî heyʼetlerinden sonra teşkîl ve iʻzâm edilen heyʼetler de şunlardır: