HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 32 1314 7 Mart'dan 13 Mart [1]340 [1924] nihâyetine kadar bir hafta zarfında ıslâhhâne kampanında ve vapurlarla rıhtımda iʻâşe edilen muhtâcîn ve muhâcirînin mikdârı 13.452'ye tâbiʻ olmağla ve vapurlar da dâhil olmak üzere 486 kişinin muʻâyenesi icrâ edilmişdir. Bu müddet zarfında tevellüdât olmama- sına mukâbil 24 vefeyât kaydedilerek 1.548 kişiye çiçek ve dizanteri aşıları tatbîk olunmuşdur. _______________ İzmit İmdâd-ı Sıhhî Heyʼeti 17 Mart [1]340 [1924] târîhinde Antalya vapuruyla 1.085 muhâcir vürûd etmişdir. Ahvâl-i sıh- hiyeleri iyidir. Bunlara çiçek, dizanteri aşıları tamâmen, ikinci dizanteri aşısı kısmen irkâb iskele- lerinde yapılmışdır. Vapurda sekiz tevellüdât vukûʻ bulmuş [265] ve bunlardan ikisi vefât etmişdir. Vapurda görülen beş hastadan bir erkek ile üç kadın hastahânemize alınmış ve boş yatak bulunmama- sından bir kadın hasta memleket hastahânesine gönderilmişdir. _______________ Kavala Heyʼeti 1 Şubat [1]340 [1924] târîhinden 1 Mart [1]340 târîhine kadar Kavala İmdâd-ı Sıhhî Heyʼeti faʻâliyeti ber-vech-i âtîdir: 1-Dispansere bir ay zarfında mürâcaʻat edenler 330 kişidir. Hânelerinde tedâvî edilenlerle berâber marzâ adedi 430'a bâliğ olmuşdur. Şehrin ahvâl-i sıhhiyesi şâyân-ı memnûniyetdir. 2-Hastalardan fakîrü'l-hâl olanlara süt meccânen verilmekde ve çıplak, perîşân kalmış olanları mehmâ-emken ilbâs edilmekdedir. 3-Târîh-i mezkûra kadar cemʻ edilen iʻânât 720 kuruş evrâk-ı nakdiye ile 171 ve 510 drahmiye bâliğ olmuşdur. İʻâne iʻtâsı husûsunda Sarışaban kazâsının bilhâssa Çaylayık karyesi hanımlarının Hilâl-i Ah- mer'e gösterdiği muhabbet ve samîmiyet şâyân-ı kayıd ve teşekkürdür. _______________ Edirne İmdâd-ı Sıhhî Heyʼeti Edirne Karaağacı'nda bulunan imdâd-ı sıhhî heyʼeti Drama'dan vürûd edecek muhâcirîne karşı dâimâ intizâr vazʻiyetini muhâfaza etmekdedir. Şimdiki hâlde muhtâc-ı muʻâvenet olan 11 muhâcire levâzım-ı iksâiye husûsunda muʻâvenetde bulunulmuşdur. _______________ Kozana Heyʼeti 16 Şubat [1]340 [1924] târîhinde Selanik'e vâsıl olan Kozana Heyʼeti ayın yirmi üçünde Soro- viçe İstasyonu'na vâsıl olmuşdur.