HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 32 1316 Maʻamâfîh birçok ecnebî tâlibâtın bir üc- ret mukâbilinde bilâ-taʻahhüd mektebe müste- miʻ sıfatıyla devâm etdikleri de görülmekdedir. Tedrîsât, hastabakıcıların îfâ-yı vazîfe es- nâsında bilmesi lâzım gelen bi'l-cümle mevâd- dı şâmildir. Ale'l-husûs teşrîh, fizyoloji, usûl-i idâre, âliyât ve meslek-i ahlâkî dersleriyle hıf- zıssıhha, dürûs-ı edviye, masaj, tedâvî-i elekt- rikî, radyolojiye ve tıbbî, cerrâhî hastalara, me- cânîne, emrâz-ı sâriye musâbînine, ihtiyârlara, gayr-ı kâbil-i tedâvî bir illete dûçâr olanlara, lohusalara, nevzâdlara dâir nazarî ve amelî dersleri, laboratuvar mesâʻîsini ve hastahâne koğuş ve kilârlarına taʻalluk eden dürûs-ı na- zariye ve ameliyeyi ve menkûʻ ilâclarla meş- rûbâtı ve meʼkûlât-ı hafîfeyi ihtivâ etmekdedir. Tâlibât, iki senelik müddet-i tedrîsiye esnâsında hastahânenin muhtelif mesâʻîsini taʻkîb etdikleri gibi mektebin matbah ve idârî kısımlarına âid hidemâta da iştirâk etdirilir. İlk sene sabâhları hastahâne koğuşlarında istihdâm edilir ve her gün öğleyi taʻkîb eden sâʻatler derslerle derslerin müzâkerelerine tahsîs edilmişdir. İkinci sene-i tedrîsiyede ise haftanın iki gününün öğleden sonraki sâʻatleri derslere [267] ilk sene-i tedrîsiyenin hitâmında tâlibât, mektebin muʻallimleri huzûrunda nazarî ve amelî imtihân ge- çirirler. Bu imtihânda muvaffak olamayanlar ikmâl etdikleri senenin derslerini tekrâra mecbûrdurlar. İkmâl-i müddet-i tahsîliye eyleyerek senelik taʻahhüdü îfâ etmiş bulunan hastabakıcı tâlibâta Paris Müessesât-ı Hayriye İdâre-i Umûmiyesi'nin hastabakıcılık ehliyetnâmesi verilir. Ehliyetnâmenin tevdîʻi için tâlibâtın bir heyʼet-i mümeyyize huzûrunda maʻlûmât-ı nazariye ve ameliyeden icrâ olunacak imtihânda muvaffak olması ve mektebde devâm etdikleri aksâm-ı tahsîli- yede meslekî ve ahlâkî istiʻdâd ve kâbiliyetleri tahakkuk etmiş bulunması şartdır. Paris Müessesât-ı Hayriye İdâresi'ne lüzûmu olan hastabakıcıların bir kısm-ı mühimmini ihzâr eden bu mektebin tâlibâta mahsûs husûsî odalarda 160 yatağı vardır. _______________ Rusya'da Malarya Malaryanın Rusya'da îkâʻ etdiği tahrîbât hakkında geçen Kânûn-ı Sânî'de Moskova'da inʻikâd eden Malarya Mücâdele Kongresi'ne verilen raporu hulâsaten neşrediyoruz: 1923 senesinin ilk on ayı zarfında Rusya'da 4.887.000 malarya vakʻası kaydedilmişdir. Sene-i mezkûre vukûʻâtı 1921 senesine nisbetle 1,5 ve 1922 senesine nazaran da 1,75 defa fazladır. Bu erkâmdan Avrupa-yı Rusî'ye isâbet eden mikdâr 1923 senesinde 3.643.000 ve 1921'de 2.019.000 ve 1922 senesinde 1.295.000'dir. Hastabakıcıların çalışdıkları laboratuvar Laboratoire où travaillent les garde-malades