HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1345 Binde hesâbıyla süt çocuklarında vefeyât Avusturya-Macaristan 215 İtalya 172 Almanya 170 Fransa 137 [282] İngiltere 132 Norveç 79 Çocuklardaki vefeyâtın sin ilerledikçe azaldığı ve en ziyâde meme emme zamânlarında ve 1-2 yaşlarında olduğu Almanya'da yapılan şu istatistikden anlaşılır. Binde Vefeyât Doğdukdan Bir Yaşına Kadar 314 1-5 90 5-10 23 10-15 13 Doğdukdan beş yaşına kadar 440 Şu hâlde doğan çocukların bir yaşına kadar üçde biri, on beş yaşına kadar da hemen yarısı muh- telif sebeblerin taht-ı teʼsîrinde telef oluyorlar. Süt çocuklarındaki vefeyâtın sebebi ekseriyâ miʻde, bağırsak râhatsızlıklarından ileri geliyor ki, bu yaşdaki zâyiʻâtın hemen üçde birini teşkîl eder. Vâlide sütü ile beslenenlerde az olan bu nisbet inek sütü ile beslenen çocuklarda pek ziyâdedir. Âtîdeki erkâm bu husûsu kâfi derecede göstermekdedir. İrzâʻ-ı Tabîʻî ile Beslenenlerde İrzâʻ-ı Sınâʻî ile Beslenenlerde Yaş Vefeyât (Binde) Vefeyât (Binde) 0 20 112 1 8 59 2 5 50 3 4 46 4 3 37 ilh. Çocuklardaki vefeyâtın bir kısmı da kızıl, kızamık, kuşpalazı, boğmaca öksürüğü gibi bulaşan hastalıkdan vukûʻa gelirse de memleketimizde en mühimmi verem telâkkî edilmelidir. Almanya'da senevî 300.000 süt çocuğunun bir yaşını ikmâl etmeden vefât etdikleri nazar-ı iʻtibâra alınırsa memleketimizde bu yekûnun ne mikdâra bâliğ olacağını bir lâhza düşünmek âtî husû- sundaki heyecânlarımızda ne derece haklı olduğumuzu isbât edecekdir.