HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1349 Hilâl-i Ahmer'in Eskişehir Anbârı Anadolu'nun şimendifer merâkizinde Hilâl-i Ahmer depoları teʼsîsi öteden beri mutasavver idi. Ahîren Eskişehir'de bulunan Hilâl-i Ahmer deposunun tevsîʻi ve Hilâl-i Ahmer'in mutasarrıf olduğu hat üzerindeki arâzîde müteʻaddid pavyonlar inşâsı sûretiyle büyük bir depo vücûda getirilmesi takar- rür etmiş ve planları dahi ihzâr edilmiş olduğundan karîben inşââta başlanacakdır. _______________ Hilâl-i Ahmer Heyʼetinin Ankara'dan Avdeti Cemʻiyetimiz reîs-i sânîsi Müderris Doktor Âkil Muhtar ve Kâtib-i Umûmî Doktor Hikmet Beyefendilerle Müfettiş-i Umûmî Doktor İsmail Besim Paşa hazretleri Ankara'da dokuz gün kalarak avdet eylemişlerdir. _______________ Bursa'da Hilâl-i Ahmer Binâsı Bursa'nın Arkadâş refîkimizde okuduğumuza göre banka ittisâlindeki kârgîr binâ Bursa Hilâl-i Ahmer Heyʼet-i Merkeziyesince beş bin liraya mübâyaʻa edilmişdir. Gelecek nüshamızda fotoğrafını derc edeceğiz. _______________ Amerika Salîb-i Ahmeri ve Hilâl-i Ahmer Amerika Salîb-i Ahmer Cemʻiyeti'nin İstanbul şuʻbesi tarafından her ay neşrolunan mecmûʻa- nın 1924 senesi Kânûn-ı Sânî ve Şubat aylarının vekâyiʻini câmiʻ olan nüsha Amerika Salîb-i Ahme- ri'nin bir târîhçesini muhtevîdir. Bu târîhçede Hilâl-i Ahmer'e âid âtîdeki fıkraları hulâsaten bi't-ter- ceme naklediyoruz: "-Rus muhâcirleri mesʼelesinden sonra en büyük mesʼele, Yunanlıların İzmit ve Gemlik şibh-i cezîresinde Türklere karşı açdıkları harbden müteessir olan muhâcirlere edilecek muʻâvenet mesʼe- lesi idi. Muhârebe yüzünden hâneler ve ahâlînin medâr-ı maʻîşetlerini teşkîl eden tarla mahsûlleriyle balıkçı kayıkları imhâ edilmiş idi. Bu şerâite maʻrûz kalan şibh-i cezîrenin elli bin müslümânı Türk Hilâl-i Ahmeri'nin teşebbüs ve idâresi sâyesinde İstanbul'a nakledilerek kurtarılmışdır. Amerika Salîb-i Ahmeri, bu muhâcirler uğruna sarf edilmek üzere cemʻiyet-i mezkûreye bin beş yüz tonilato hacminde muhtelif eşyâ teberruʻ etmişdir". Mecmûʻanın diğer tarafında, Amerika Salîb-i Ahmeri kendileriyle münâsebâtda bulunduğu mü- essesâtı sayarak Rus muhâcirleri husûsâtında kullanılmak üzere Hilâl-i Ahmer'den kazan ve levâzım-ı sâire istiʻâre etdiğini zikir ve Hilâl-i Ahmer'e teşekkür ediyor. _______________