HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1350 Hilâl-i Ahmer Murahhaslıkları İzmir'de mübâdeleye müteʻallik bazı husûsâtı tahkîke meʼmûr komisyon aʻzâlığına intihâb olunduğunu nüsha-i sâbıkamızda yazdığımız merkez-i umûmî aʻzâsından Doktor Hakkı Şinasi Paşa aynı zamânda İzmir ve Konya murahhaslıklarına ve kezâ merkez-i umûmî aʻzâsından ve mecmûʻa- mız müdürü Haydar Bey dahi Samsun ve Trabzon murahhaslıklarına intihâb olunduklarından vazîfe- leri başına azîmet eylemişlerdir. Mecmûʻamız müdüriyetini Haydar Bey'in avdetine kadar vekâleten merkez-i umûmî aʻzâsın- dan Azmi Bey idâre ediyor. [286] Karaferye'de heyʼet-i imdâdiyemizin teʼsîs etdiği elli çadırlık karârgâhın resmi Groupe dʼémigrants musulmans de Cara Feria On Birinci Beynelmilel Salîb-i Ahmer Konferansı 1923 senesi Ağustos yirmi sekizinde Cenevre'de akdolunan Beynelmilel Salîb-i Ahmer Konferan- sı müzâkerât ve mukarrerâtını hâvî Fransızca olarak tabʻ olunan kitâb bu defa umûm Salîb-i Ahmerlere gönderildiği sırada Hilâl-i Ahmer Cemʻiyeti'ne dahi irsâl olunmuşdur. Mezkûr kitâb gâyet mükemmel sûretde tabʻ edilmiş olup konferans aʻzâsının heyʼet-i umûmiyesinin fotoğrafîsini ve murahhasların isimlerini ve müzâkere edilen husûsât ile ittihâz olunan mukarrerâtı hâvîdir. Maʻlûm olduğu üzere mezkûr konferansa Hilâl-i Ahmer nâmına cemʻiyet reîs-i fahrîsi Müderris Doktor Besim Ömer Paşa ile reîs-i sânî Müderris Âkil Muhtar Bey ve Hilâl-i Ahmer aʻzâsından ve muharrirînden Ahmed İhsan Bey iştirâk etmişdi. Müşârunileyh Besim Ömer Paşa ayrıca hükûmetin de murahhası idi. _______________