HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1351 Dârüssınâʻa Sergisi 1329 [1913] senesinde eytâm ve erâmil-i şühedâyı çalışdırarak maʻîşetlerini teʼmîn etmek mak- sadıyla teʼsîs ve Hilâl-i Ahmer Hanımlar Merkezi aʻzâsından müntehab bir heyʼet tarafından idâre edilmekde olan dârüssınâʻada ber-sâbık bu sene Ramazân'da da bir sergi küşâd edilmişdir. Sergide eytâm ve erâmilin bizzât iʻmâl eyledikleri eşyâ-yı nefîse teşhîr ve her sene gibi bu sene dahi bu mas- nûʻât umûm tarafından pek ziyâde takdîr olunmuşdur. _______________ Müsâmere-i Musikiye Hilâl-i Ahmer Hanımlar Merkezi aʻzâsından müntehab bir heyʼet tarafından idâre edilmekde olan dârüssınâʻa menfaʻatine 8 Mayıs 1924'de Beyoğlu'nda Pera Palas'da gâyet nezîh bir müsâmere tertîb edilmişdir. Mezkûr dârüssınâʻa esâsen bir ticârethâne olmakdan ziyâde bir müessese-i hayriye olduğundan her sene masârıfı bu gibi muʻâvenetlerle kapatılmakdadır. Burada toplanıp çalışan mu- hadderâta Hilâl-i Ahmer tekyesi mürîdleri nazarıyla bakıldığından kendilerine hattâ evlerinde hasta oldukları zamân bile muʻâvenetden geri durulmamakdadır. Senelerden beri çalışan kızlara hîn-i te- zevvüclerinde bile müessese her türlü yardımda bulunuyor. Bizzât bu zavallı kızların iʻmâl eyledik- leri eşyâ-yı nefîsenin son zamânlardaki buhrân-ı iktisâdî dolayısıyla takdîr ve iştirâsı hayli tenâkus etdiğinden bu sûretle bir eğlenti tertîbiyle masârıf-ı vâkıʻaya bir karşılık tedârükü zarûreti vardı. Her hâlde müsâmerenin nezâhet ve mükemmeliyetine delâlet ve hizmet eden hanım ve beyefendilerle teberruʻât ve muʻâvenâtda bulunanlara teşekkür olunur. Kozana Mübâdele Heyʼeti'nin mahal eşrâfıyla birlikde Karaferye İstasyonu'nda alınan fotoğrafîsidir. Ortadaki kalpaklı Kozana Türk Murahhası Safvet Bey'dir. Groupe représentant notre mission dʼéchange à Kozana avec les notables de la ville. Au milieu Safvet Bey, délégué Turc