HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1352 Bayram Çiçekleri Osmaneli'nde bayram günü iʻâne cemʻine delâlet eden Melahat Hanım'la Kemal ve Hüseyin Efendilere teşekkür olunuyor. Rozet tevzîʻi sûretiyle iʻâne cemʻine delâlet eden bütün hanımlara ve beylere karşı îfâya borçlu olduğumuz teşekküre bu küçük vatan yavruları da hissedârdır. Tarsusluların Hamiyeti Tarsus refîkimizde okuduğumuza göre îd-i saʻîd-i Fıtr'ın ilk günü Hilâl-i Ahmer rozet tevzîʻâtın- da hanımlarımız [288] ve beylerimiz yekdiğerine müsâbaka edercesine çalışmışlar ve nefs-i kasabada iki yüz elli altı lira toplayıp Hilâl-i Ahmer Veznesi'ne teslîm etmişlerdir. Cemʻiyet hayırhâhân ve hâdimînine ve fütüvvet-mendâna refîk-i muhteremimiz gibi biz de teşekkür ederiz. Hilâl-i Ahmer'e yardım vazîfe oldu bize Odur koşan, yetişen bî-nihâye derdimize Şu yavrular ki, tehâlükle geldi nezdimize Bu yaşda çâre ararlar zavallı ferdimize Verin ki, dünkü şehîdler bununla şâd olacak Verin, bugünkü yetîmler bununla kurtulacak Muʻallim Zeki Bey Bayram günü Makriköyü'nde çiçek tevzîʻ eden gruplardan biri Groupe représentant des garçons et fillettes turcs, distribuant la fleurette du Croissant-Rouge pendant la fête de Ramazan Bayram günü Karagümrük civârında çiçek tevzîʻ eden gruplardan biri: Mehmed Halid Bey, hafîdesi Fatma Nedime Hanım ve Arif Efendi kerîmesi Mediha Hanım Groupe distribuant la fleurette du Croissant-Rouge: Mehmed Halid Bey, sa petite fille Fatma Nédimé et Medihé Arif Hanoum