HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1354 Haydar Bey Mecmûʻamız müdürü olup muvakkaten Samsun ve Trabzon mıntıkası murahhaslığında bulunan merkez-i umûmî aʻzâsından Haydar Bey Trabzon mıntıkasını bi't-teftîş Samsun'a avdet eylemişdir. _______________ Hilâl-i Ahmer Tahrîrât-ı Umûmiyesi Hilâl-i Ahmer merâkiz ve şuʻabâtının mübâdeleye tâbiʻ muhâcirînin tehvîn-i ihtiyâcâtı için ne sûretle ibrâz-ı faʻâliyet etmesi lâzım geleceğine dâir Hilâl-i Ahmer riyâseti tarafından taʻmîmen irsâl olunan bir tahrîrâtda mevâdd-ı âtiye ahkâmının infâzına sarf-ı himmet ü gayret olunması kemâl-i ehemmiyetle taleb ve ricâ edilmişdir: 1-Şimdiye kadar muhâcirîn için sarf edilen mebâliğin hesâb ve evrâkını göndermek 2-Müterâkim nükûdu derhâl ve baʻdemâ terâküm edecek hâsılât nısfını her ay gâyesinde şuʻ- beler merkezlerine ve merkezlerde merkez-i umûmîye göndermelidir. Merkezler yalnız kendi hâ- sılâtlarının nısfını ihtiyâcât-ı mahalliyeye sarfa meʼzûn bulunduklarından şuʻabâtın nakit irsâlâtını tamâmen merkez-i umûmîye irsâl etmelidirler. 3-Her merkez ve şuʻbe gönderdikleri nükûdun mikdâr ve târîh-i irsâllerini İskân Vekâleti'nin mıntıka müdüriyetlerine bildirmeleri vekâlet-i müşârunileyhâ ile cemʻiyetimiz arasında takarrür et- miş olduğundan bu noktaya son derece iʻtinâ eylemeleri iktizâ eder. 4-Muhâsebe taʻlîmâtnâmesine göre her üç ayda bir hulâsa-i hesâbiye gönderilmesi tekrâr ricâ olunur. _______________ Hilâl-i Ahmer'e Hâricden Gelen Muʻâvenetler Kıbrıs'da Türk Ocağı ve Hürriyet Kulübü'nün vermiş oldukları bir müsâmere hâsılâtı olarak 12 İngiliz lirası, Amerika'da New York'da müteşekkil Türk Teʻâvün Cemʻiyeti'nden mübâdele iʻânesi olarak 297 dolar, Amerika'da Holideis Kov'da müteşekkil Girid Müslümânları Cemʻiyeti'nden mübâ- dele iʻânesi olarak 270 İngiliz lirasıyla 92 dolar, Filibe Ahâlî-i İslâmiyesi Hilâl-i Ahmer Komisyonu Riyâseti'nden 35.300 leva vürûd etmiş olmakla Hilâl-i Ahmer Cemʻiyeti tekmîl bu müteberriʻîn ve mütevassıtîn-i kirâma arz-ı teşekkür eder. _______________ Hilâl-i Ahmer Dispanserleri Geçen Nisan zarfında Hilâl-i Ahmer Fatih Dispanseri'nde 655, Üsküdar Dispanseri'nde 836 hasta muʻâyene edilmiş ve muʻâyene edilenlere meccânen ilâc verilmişdir. Cağaloğlu muʻâyenehâ- nesinde muʻâyene edilen 810 hastadan 403'üne meccânen ilâc verilmişdir.