HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1356 Müstesnâ Bir Eser-i Hamiyet Kavala'da Paylanık karyesi ahâlî-i hamiyet-mendânı ve nisvân-ı şefkat-perverânı tarafından Hilâl-i Ahmer iʻânesi olarak zînet altınları ve gümüş Türk paraları ile yekdiğerine rekâbet edecek bir derecede tezyîn etdikleri bu [bir] levhayı, kıymetli bir hâtırayı musavver olarak Hilâl-i Ahmer'e ihdâ eylemişlerdir. Karyenin muʻâvenet heyʼeti aʻzâları vâsıtasıyla tertîb olunan işbu kıymetdâr hâtıra heyʼet-i muʻâveneden müteşekkil [291] bir encümen tarafından Kavala İmdâd-ı Sıhhî Heyʼeti'nin îfâ-yı vazîfe eylediği Orta Câmiʻ Medresesi'ndeki mahall-i mahsûsa getirilmiş ve Hilâl-i Ahmer'in îfâ eylediği ulvî ve mümtâz hidemât-ı insâniyenin azametine karşı hediyelerinin pek nâçîzâne olduğun- dan bahsederek imdâd-ı sıhhî heyʼeti riyâsetine işbu hediyeyi tevdîʻ etmişlerdir. Heyʼet tarafından kendilerine sûret-i mahsûsada beyân-ı teşekkürât edilmişdir. Pek kıymetdâr olan bu büyük hediyenin fotoğrafîsini derc ediyoruz. _______________ Tifüs Hastalığından Musâb Meʼmûrlarımız ve Tedâbîr-i Lâzıme Samsun'da muhâcirîn arasında ve münferid bir sûretde tifüs zuhûr ederek Hilâl-i Ahmer İm- dâd-ı Sıhhî Hastahânesi eczâcısı ile bir hastabakıcı hemşîre ve bir hastabakıcı musâb olmuşdur. Te- dâbîr-i lâzıme-i sıhhiyeye tevessül olunduğu gibi imdâd-ı sıhhî heyʼetine iki doktorla iki hemşîre, iki hastabakıcı daha ilâve edilmiş ve iki etüv ve levâzım-ı sâire daha gönderilmişdir. İmdâd-ı Sıhhî Heyʼetlerinden Bazılarının Lağvı Mübâdele Vekâlet-i Celîlesi'yle vukûʻ bulan iʼtilâf üzerineAntalya, Uzunköprü, Bandırma, Mu- danya, Tuzla İmdâd-ı Sıhhî Heyʼetleri lağv edilmişdir. Gülhane'deki imdâd-ı sıhhî heyʼeti hastahânesi görülen lüzûm üzerine lağv edilerek bunun yerine kâim olmak üzere dört yataklı bir reviri hâvî bir tabîb, bir eczâcı, bir hastabakıcı ve bir hademeden ibâret bir dispanser teʼsîs olunmuş ve îcâbında hastaların şehir hastahânelerine sevkleri teʼmîn edilmişdir. Doktor Arif Ata Bey – Gülhane Dispanseri Tabâbeti'ne mülgâ hastahâne sertabîbi Doktor Arif Ata ve eczâcılığına mülgâ Bandırma İmdâd-ı Sıhhî Heyʼeti Eczâcısı Sabri Beyler taʻyîn edilmişdir. Doktor Esad Bey- Sûret-i muvakkatede Selanik heyʼeti riyâsetine iʻzâm kılınmış olan Samsun İmdâd-ı Sıhhî Heyʼeti Reîsi Doktor Fikri Bey'in meʼmûriyet-i asliyesine avdeti münâsebetiyle Sela- nik heyʼeti riyâsetine Doktor Esad Bey taʻyîn edilerek mahall-i meʼmûriyetine azîmet ve vazîfesine mübâşeret eylemişdir. Vapurlarda Etıbbâ Vapurlara tahsîs edilen on bir tabîb ahîren vapurların tezâyüdü cihetiyle kifâyet etmemesine binâen tabîbsiz kalan vapurlardaki husûsât-ı sıhhiyeye yardım etmek üzere derdest-i sevk bulunan etıbbâdan bi't-tefrîk her hâlde vapurların tabîbsiz kalmamasına gayret edilmekdedir. İlâveten etıbbâ taʻyîni Seyyâr olmak üzere hizmet etmekde olan beş tabîbden ikisi ilâveten Kavala İmdâd-ı Sıhhî Heyʼeti'ne taʻyîn edilmişdir. Doktor Galib Hakkı Bey- Hilâl-i Ahmer Merkez-i Umûmîsi'nde İmdâd-ı Sıhhî Heyʼetleri İdâ- resi Müdüriyeti'ne muvakkaten Yunanistan'dan avdet eden Müfettiş Doktor Galib Hakkı Bey ilâve-i vazîfe olarak taʻyîn edilmişdir.