HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1359 Samsun'un Ahâlî Gazetesine Teşekkür Muhterem refîkimizin küçük sahîfelerinin başında büyük hurûf ile okuduğumuz "Hicretzede Dîn ve Kan Kardeşlerimizin Hayâtlarını Kurtarmak İçin Hilâl-i Ahmer'e Yardım" fıkrasından dolayı teşekkür ve Türkiye'nin başka mahallerinde neşrolunan rüfekâmızdan da bu yolda teşvîk ve irşâdı mutazammın fıkarât ve iʻlânât ve makâlât lütfetmelerine memleket nâmına ricâ eyleriz. _______________ Drama ve Havâlîsi Ahâlî-i Müslimesi'nin Hamiyeti Drama'da ve civârındaki köylerde sâkin olup bu defa Türkiye'ye sevk edilen muhâcirîn-i müs- limenin ileri gelenleri oradaki imdâd-ı sıhhî heyʼetimize Mart nihâyetine kadar iʻtâ eyledikleri iʻânât yekûnunun 287.144,5 drahmiye bâliğ olduğu heyʼet-i mezkûre riyâsetinden bildirilmişdir. Mecmûʻa- mız nâmına bu hamiyetli dîndâşlarımıza teşekkürler ederiz. _______________ Nardalılar nâmına Hilâl-i Ahmer'e Teşekkür Narda ahâlî-i İslâmiyesi'nden olup evvelce Loros kasabasında ihtiyâr-ı ikâmet etmiş olan Türk muhâcirlerinin tehvîn-i ıztırâbâtına medâr olmak üzere Hilâl-i Ahmer tarafından gönderilen altı bin drahmi muʻâvenet-i nakdiyeden dolayı müftî-i belde Mehmed Abdullah Efendi hemşehrileri nâmına cemʻiyete teşekkür ediyor. _______________ On Sekiz Günde Naklolunan Muhâcirîn 2 Nisan 1340 [1924] târîhinden iʻtibâren Nisan nihâyetine kadar Selanik limanından komisyon- lar maʻrifetiyle Türkiye'ye nakledilen ahâlî-i müslime cedvelidir. Vapurun İsmi Muhâcirîn Adedi Târîh-i Hareketi Türkiye 1.594 12 Teşvikiye 1.918 13 Sürʻat 1.351 18 Ankara 1.778 19 Teşvikiye 2.898 20 Altay 1.171 22 İstanbul 3.764 24 Teşvikiye 2.529 28 Akdeniz 4.504 29 21.507