HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1364 neler, dispanserler, revirler, aşhâneler ve çayhâneler küşâd etmek sûretleriyle cemʻiyet, yaralıların yaralarını, hastaların hastalıklarını tedâvîye ve nukahâ ve zuʻafâ ile berâber birçok bîçâregânın infâk u ilbâsına sarf-ı mesâʻî etmişdir. Cemʻiyet hasta ve mecrûh nakliyât ve sevkiyâtında büyük hizmetlerde bulunduğu gibi cihet-i askeriyeye mecrûh nakline mahsûs otomobiller ihdâ etmiş ve ordumuzun ihtiyâcı olan meʼmûrîn-i sıhhiyenin taʻyîn ve iʻzâmına Mütâreke devrinin ve hükûmet-i sâkıtanın bin türlü müşkilâtına rağmen muvaffak olmuş ve yine cihet-i askeriyeye pek külliyetli levâzım-ı libâsiye, sıhhiye ve devâiye ve erzâk vesâir envâʻ-ı malzeme ihdâ ve irsâline muvaffak olmuşdur. Bu husûsda Müdâfaʻa-i Milliye Vekâlet-i Celîlesi'nden daha o vakitler alınmış olan takdîrnâme ber-vech-i zîr teberrüken aynen derc olunur: "-Muhterem Efendim, Hasta ve mecrûhlarımız için sevgili Hilâl-i Ahmer bu defaki hediyelerini bildiren mektûbunu- zu ne kadar derîn bir meserretle okudum. Maʻsûmları öldürenlerin, maʻbedleri yakanların zulümkâr ilerlemelerine Sakarya boylarında vücûdlarıyla siperler yapan mecrûh gâzîlerimiz, bu azîz yardımın şükrân hâtıralarını evlâdlarına nakledeceklerdir. Her hasta ve mecrûh yatağının hediyelerinizle yeni- den döşendiğini bir defa daha memnûniyetle gördüm. Anadolu'nun her tarafında müstevlîlerin zulüm ve gadriyle, katl ve ihrâkına maʻrûz kalan kadınların, çocukların, yetîmlerin ve düşkünlerin yardımı- na koşarken gâzî mecrûhlarınız için de açdığınız büyük hastahânelerdeki mübeccel yardımlarınızdan başka bu hediyeleri tevâlî etdirmek imkânını bulmanızı takdîrler ve şükrânlarla yâd ediyorum. Bu defaki müşfik hediyeleriniz de bundan evvelkiler kadar çok. Askerlik hayâtımın ister sevinçli ister kederli günlerinde Hilâl-i Ahmer'in şefkatli elini dâimâ elem çekenlere yardım eder ve gözyaşlarını siler gördüm. Bu uzun hayâtın gizli şükrânını ızhâr ve edâya vesîle olduğu için son hediyelerin bence ebedî bir kıymeti var. Bir ferdi olduğum ordunun, milletin ve insânlığın derîn şükrânını işte bu vesîle ile Hilâl-i Ahmer'e arz ediyorum". İşte ey muhterem kâri, Hilâl-i Ahmer Cemʻiyeti ve onun faʻâliyetine yardım eyleyenler için en büyük mükâfât ve cemʻiyeti idâreden hayırhâh ve mütevâzıʻ hâdimler için de en tatlı ve şevk-bahş sâik ve müşevvik bu ve emsâli âlî-cenâbâne takdîrlerdir! Hastahânelerimizin hâtırât defterleri muzaffer orduyu ve hükûmeti idâre eden eʻâzımın ve bir- çok meşâhîrin ve bizzât hastaların Hilâl-i Ahmer târîhçesinde unutulmaz pek kıymetli takdîrleri ve teşekkürleriyle müzeyyendir. Vilâyât-ı şarkiyede envâʻ-ı sefâlet ve mahrûmiyetle çarpışan yardımsız ve bakımsız bîçâre ahâlî-i İslâmiye'nin kemâl-i sürʻatle imdâdlarına koşup onlara mümkün ve mutasavver olan her türlü muʻâveneti vâsiʻ ve şümûllü bir sûretde îfâ eden ancak ve yalnız Hilâl-i Ahmer Cemʻiyeti olmuş- dur. Oralarda muhtelif tarzda muʻâvenetlere nihâyet verilmemiş olduğu bir sırada vilâyât-ı garbiyede düşman-ı akurun zulümkâr istîlâsı başgöstermekle ve başka taraflardan imdâd imkânı görülmemek- le Hilâl-i Ahmer Cemʻiyeti bu felâketzedegâna da yardıma şitâb ile müteʻaddid heyʼet-i imdâdiye göndermiş ve hastahâneler ve dispanserler ve aşhâneler küşâdı sûretiyle kıymetdâr muʻâvenetlerde bulunmuş ve resmî ve gayr-ı resmî birçok takdîrât ve teşekkürâta nâil olmuşdur. Ve'l-hâsıl cemʻiyet anavatanın istîlâ ve felâket gören [298] şark ve garbına, cenûb ve şimâline ve vasatına ve hemen her tarafına maʻrûz kaldığı envâʻ-ı müşkilâtı iktihâm ile elinden gelen her türlü muʻâvenetde ihmâl ve kusûr etmemişdir. Cemʻiyetin mühim muʻâvenetlerinden hiç şübhesiz biri de hasm-ı bî-amânın anavatanımızın