HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1365 nevâhî-i garbiyesinde ve kasabât ve kurâyı hâk ile yeksân eden yerlerinde vatandâşlarımıza yurt inşâ ve teʼsîsidir. 2.429 baraka doğrudan doğruya Hilâl-i Ahmer tarafından müceddeden ve 4.328'i kereste ve çivi vesâir bi'l-cümle malzemesi cemʻiyetçe tedârük edilmek üzere ashâbı tarafından kezâ müceddeden ve cemʻan 6.597 ev hâlinde baraka inşâ ve bunlara otuz bin kadar nüfûs iskân edilmişdir. Harbin en felâketli zamânlarında İstanbul'a ilticâ eden binlerce fak[î]r ve muhtâcîn için şehrin her tarafında mü- teʻaddid aşhâneler açılmış ve binlerce halk infâk ve iʻâşe edilerek hayâtları kurtarılmışdır. Yunan mezâliminin müdhiş bir sûretde hüküm sürdüğü Samanlıdağ felâketzedegânına aʻzamî bir sûretde muʻâvenetde bulunmuş ve beynelmilel tahkîk mezâlim heyʼetleri teşkîl ve envâʻ-ı zulm ü gadri bu beynelmilel bî-taraf heyʼetlere bile tasdîk etdirmeğe muvaffak olmuşdur. Avdet imkânını bulamayıp Avrupa'da kalan talebemize her türlü muʻâveneti îfâ ve avdetlerini teʼmîn eylemişdir. Harb-i Umûmî'de Rusya'da ve Sibirya gibi gâyet uzak yerlerde vesâir mahallerde kalan üserâmızdan bir kısmını olsun, maʻrûz kalınan envâʻ-ı müşkilât ve teehhurâta rağmen tahlîse muvaffak olabilmişdir. Üserâmızdan birçoklarına pek ziyâde muʻâvenetde bulunulduğu gibi üserâ-yı ecnebiyede alâ kadri'l-imkân yardımdan geri kalınmamışdır. Rusya'da aç kalan dîndâşlarımıza, şühedâ âilelerine, bi'l-cümle müessesât-ı sıhhiyeye, maʻlûlîn-i askeriye ve veremle mücâdele cemʻiyetlerine ve hattâ bî-taraflık hasebiyle Rus mültecîlerine ve Rum ve Gürcü muhâcirlerine bile birçok muʻâvenetde bulunulmuşdur. Vilâyât-ı sâirede bulunan merkez ve şuʻbelerce dahi mahalleri ihtiyâcât-ı sıhhiye ve infâkiye ve libâsiyesine de ayrıca epeyce muʻâvenetler îfâ edilmişdir. Cemʻiyetin dört senelik ve ancak üç yüz küsûr sahîfede hulâsa edilebilen raporu Meclis-i umûmînin müteʻaddid celselerinde müzâkere ve münâkaşa edildikden ve teşkîl etdiği komisyonları vâsıtasıyla muʻâmelâtını tedkîk etdirdikden sonra ittihâz olunan mukarrerâtın mühimleri ber-vech-i âtî beyân olunur: 1-Hilâl-i Ahmer Cemʻiyeti, Reîsicumhûr Gâzî Paşa hazretlerinin himâye-i aliyyelerine tevdîʻ kılınmış olmağla ona göre nizâmnâme-i esâsînin taʻdîli 2-İstanbul vilâyeti aʻzâ-yı âmilesinin de diğer vilâyetler gibi bir merkez teşkîl edebilecekleri 3-Hilâl-i Ahmer anbârlarının daha mükemmel bir hâle ifrâğı 4-Anbârın Müdâfaʻa-i Milliye Vekâlet-i Celîlesi'yle bi'l-muhâbere Eskişehir'e nakli 5-Münâsib bir mahalde bir hastabakıcılık mektebi teʼsîsi 6-Hilâl-i Ahmer teşkîlâtının köylere kadar teşmîl ve tevsîʻi ve sulh zamânındaki mesâʻîye dâir bir program tanzîmi 7-Nizâmnâmenin taʻdîl ve ıslâhı 8-Merkez-i umûmîye alenen beyân-ı teşekkürât ve takdîrât olunması