HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1367 Cemʻiyet muhâsebesinin bir kısm-ı mühimmi de malzeme hesâbâtıdır. 1339 [1923] senesi zar- fında bâlâdaki hesâb da dâhil olmak üzere 758.131 liralık eşyâ ve levâzım mübâyaʻa ve tedârük edil- miş ve bundan 713.322 liralık eşyâ ve erzâk tevzîʻ ve iʻtâ ve kısmen de fürûht olunmuşdur. Tedârük ve iddihâr ve bilâhare sarf ve tevzîʻ ve iʻtâ olunan levâzım ve eşyâ ve erzâk ve nükûdun fâide-bahş olabilmesi ve işe yarayıp ihtiyâc-ı vâkiʻi tatmîn edebilmesi taʻkîb olunan amelî usûllerle mümkün olmakda, bu usûller ve bilhâssa imsâk ve tasarruf netâyicindendir ki, cemʻiyetin masârıf-ı idâresi yekûn-ı vâridâta nisbetle yüzde biri bile bulamamakdadır. -3- Hilâl-i Ahmer Cemʻiyeti'nin Mübâdele-i Ahâlîde Faʻâliyeti Hilâl-i Ahmer Cemʻiyeti tarafından Rumeli'den gelen kardeşlerimize vâsiʻ ve şümûllü bir sûret- de muʻâvenet ve muzâheret edilmiş olup el-yevm dahi bu hizmet ve imdâda bütün kuvvetiyle devâm etmekdedir. Bidâyetde Ayvalık'dan başlayarak lüzûm gösterildikçe İstanbul, İzmit, Girid Hanya ve Kandiye, Samsun, Mersin, Tekfurdağı, Edirne, bilâhare Uzunköprü, Tuzla (Darıca), Kalikratya, Ça- talca, Bandırma Erdek, Drama, Kavala, Selanik, Kozana, Kayalar, Antalya, Niğde, Ulukışla'da büyük mikyâsda imdâd-ı sıhhî heyʼetleri teşkîl edilmiş ve bir müddet sonra heyʼet-i mezkûreden adem-i lüzûmuna ve vekâlet-i celîle ile vukûʻa gelen iʼtilâf üzerine Hanya, Kandiye, Ayvalık, Uzunköprü, Darıca, Bandırma, Antalya heyʼetleri lağv olunmuşdur. İşbu heyʼetlerin her birinde lüzûmu kadar etıbbâ ve eczâcı ve idâre ve anbâr meʼmûrları ve hastabakıcı ve hademe ve çamaşırcı istihdâm edilmiş ve her heyʼete muhtâcîn ve marzâya tevzîʻ ve iʻtâ olunmak üzere külliyetli erzâk, elbise, çamaşır, eczâ-yı tıbbiye, çadır vesâir lüzûmlu birçok eşyâ tevdîʻ olunmuşdur. Şimdiye kadar naklolunan iki yüz bini mütecâviz muhâcir-i İslâmiye'ye etıbbâmız çiçek aşısı ve ilk dizanteri aşılarını tamâmen tatbîk ve icrâ eylemişdir. Hîn-i nakilde vapurlarda ve misâfirhânelerle hastahânelerde tevellüd eden etfâl-i muhâcirînin kundak takımına varıncaya kadar olan ihtiyâcları da unutulmamışdır. [300] Muhâcirîne tevzîʻ ve iʻtâ edilmek üzere heyʼet-i imdâdiyeye tevdîʻ veyâhûd yine muhâ- cirîn için İskân ve İʻmâr Vekâlet-i Celîlesi'nin emrine teslîm olunan eşyâ ve levâzım ve erzâkın envâʻı ve bugünkü piyasadan dûn olarak vazʻ olunan kıymetleri ber-vech-i âtîdir: 132.085 liralık ceket, pantolon ve kaput 52.716 liralık kadın, çocuk ve erkek çamaşırı 8.008 liralık muhtelif ayakkabı 7.003 liralık çorap 64.722 liralık battâniye 10.829 liralık yatak takımı 7.594 liralık muhtelif levâzım-ı libâsiye 69.646 liralık muhtelif erzâk ve ağdiye 28.000 liralık eczâ-yı tıbbiye 36.500 liralık kamyon ve kamyonet ve otomobil