HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 26 990 Müdâfaʻa-i Milliye Vekâleti'nden bî-dirîğ buyurulan muzâheret ve teshîlât sâyesindedir ki, heyʼetimiz vazîfesini serîʻan ve tamâmen îfâya muvaffak olmuşdur. Anadolu'nun her tarafında hükû- met-i askeriye ve mülkiye mesâʻîmizi teshîl zımnında bezl-i makderet etmişdir. Ale'l-husûs İsmet Bey'in lütf-ı muʻâvenetlerine karşı teşekkürden âciziz. Türkiye Hilâl-i Ahmer Merkezi'ne vürûd edip de mürselün ileyhlerine îsâl edilemeyen irsâlât-ı nakdiyeyi ashâbına tevzîʻ etmek üzere cemʻiyet-i mezkûre, heyʼetimize Üserâ Şuʻbesi Müdürü Safvet Şav Bey'i meʼmûr etmiş idi. İmzâ Charles Burckhardt, Georges Burnier Üserâ Karârgâhlarını Ziyâret -1- Ankara Ankara'da bulunan üserânın mikdârı 600'dür. Dört gruba ayrılan işbu üserâdan birinci grub Türk neferâtıyla berâber demiryollarında istihdâm edilmekdedir. İkinci ve üçüncü grup, şehir civârında şerâit-i sıhhiyesi iyi iki tepecik üzerine kurulan çadırlar- da ikâmet etmekdedirler. Dördüncü ve sonuncu grup ise şehir dâhilinde yerleşmiş olup inşâ edilmekde olan bir otel ile bir mîrî binâda istihdâm kılınmakdadır. Sâlifü'z-zikr altı yüz esîrin sıhhatleri mükemmel görünmekde ve hepsine yeni üniforma ve- rilmişdir. Meskenleri iyidir. Bulundukları barakalar temiz ve havâdârdır. Gerek barakalarda gerek çadırlardaki üserâ şiltelerde yatmakdadır. İbâte husûsunda üserâ ile hidemât-ı fiʻliyede bulunan [36] Türk askerleri arasında fark yokdur. Yiyecekleri derece-i kifâyededir ve iyidir. Hastahânede ziyâret etmiş olduğumuz 24 hastadan emrâz-ı muhtelifeye dûçâr olmuş yirmi ne- fer ayrıca bir koğuşa nakledilmiş ve kabakulağa tutulmuş, dördü Türk hastaları ile husûsî bir koğuşa verilmişdir. Mektûbların gâyet geç gelmesinden veya hiç alınmamasından başka şikâyâta muttaliʻ olama- dık. Üserâya maʻâş verilmiyor. Şurası dahi şâyân-ı kayıddır ki, Türk askeri de aynı hâldedir. Muhâbere ve mektûb mesʼelesini halletmek için her müfrezeyi teşkîl edenlerin âile adresleri ile bir cedvel-i esâmîsini tertîb etmeği Fransızcaya vâkıf bir esîre havâle etdik. Bu listeler tanzîm edil- dikden sonra İstanbul'da Hilâl-i Ahmer Merkez-i Umûmîsi vâsıtasıyla âilelerine teblîğ edilecekdir. -2- Yahşihan Buradaki üserâ da Ankara'dakiler gibidir.