HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 33 1368 69.880 liralık çadır (büyük ve küçük) 10.236 liralık muhtelif malzeme-i inşâiye 44.620 liralık tahta 38.465 liralık lata ve kadron 71.075 liralık oluklu saç levha 325.800 liralık Kilya'da kâimen verilen barakalar 33.547 liralık hastahâne ve aşhâne levâzımı 1.020.726 Bu eşyâ ve levâzım ve erzâkdan mâʻâdâ 161.487 lira nakden sarfiyâtda bulunmuşdur ki, bu- güne kadar Hilâl-i Ahmer Cemʻiyeti'nin mübâdele-i ahâlîye mahsûs olarak 1.345.212 lira sarf etdiği anlaşılmakdadır. Menâtık-ı mübâdelede muhâcirînin ve eşyâsının nakli için istiʻmâl edilmekde olan 38 aded kamyon, kamyonet ve otomobil cemʻiyetin bu işe ifrâz ve tahsîs etdikleridir. İskân ve İʻmâr Vekâlet-i Celîlesi tarafından İstanbul Kalikratya vesâir mahallerde teʼsîs edilen misâfirhânelerin malzemesine cemʻiyet pek büyük muʻâvenetlerde bulunmuş ve Gülhane Misâfirhâ- nesi'nde 250 karyola ve levâzımını iʻtâ ve 12 kurnalık bir hammâm tertîbâtı inşâ eylediği gibi levâ- zım-ı teshîniye vesâir husûsâtda da muʻâvenetde bulunmuşdur. Lüzûm gösterilen ve görülen mahallere etüvler gönderildiği gibi îcâb eden yerlerde iʻâşe husû- sunda da yardımda bulunulmakdadır. Hilâl-i Ahmer'in beş seneyi mütecâviz bir zamân zarfında faʻâliyetine dâir ber-vech-i bâlâ ver- diğimiz maʻlûmât-ı mücmeleden dahi müstebân olacağı üzere cemʻiyetin orduya, cihet-i askeriyeye, marzâ ve zuʻafâ ve muhtâcîn ve ale'l-ıtlâk bi'l-cümle felâketzedegân ile bilhâssa mübâdele-i ahâlî emr-i azîmine karşı îfâ etdiği hizmet ve muʻâvenetin derecesi pek büyük olup ancak bu muʻazzam hizmetlerde sâbıkı gibi devâm edebilmesi mutlakâ herkesin aza çoğa bakmayarak cemʻiyete muʻâve- netleriyle mümkün olabilecekdir. Herkes şu hakîkati bilmelidir ki, Hilâl-i Ahmer'in ayrı ve dâimî bir menbaʻ-ı vâridâtı yokdur yâhûd taʻbîr-i sahîhiyle cemʻiyetin hiçbir vakit kurumak bilmeyen bir men- baʻ-ı vâridâtı varsa o da her hamiyetli Türk'ün, müslümânın ve hayırhâhın kîse-i sehâvet ve şefkatidir. İşte bütün hamiyetli Türk vatandâşlarımıza, kalbi hissiyât-ı müştereke-i dîniye ile çarpan her müslümâna ve nihâyet bu şefkat ocağına muhabbetkâr ve teveccühkâr bütün erbâb-ı hamiyet ve mü- rüvvete savt-ı bülend ile diyoruz ki: Ey erbâb-ı hamiyet ve merhamet, Hilâl-i Ahmer Cemʻiyeti'ne iki müşfik elinizi uzatacak zamân tâm bu zamândır. Çünkü senelerce devâm eden muhârebeler, felâketler ve ihtiyâclara karşı var kuv- vetiyle mücâdele eden Hilâl-i Ahmer büdcesi epeyce sarsılmışdır. Kuvve-i muʻâvine ve imdâdiyesi dûçâr-ı zaʻf olmuşdur. Hâlbuki önümüzde görecek daha pek mühim işler vardır. Nakil ve hicreti teʼmîn olunacak daha hemen beş yüz bin dîndâşımız mevcûddur. Bunların gerek hîn-i nakilde ve gerek baʻde'n-nakil sıhhat ve hayât ve râhatlarının teʼmîni cemʻiyet için büyük bir borçdur. Bu vazî- femizi de bize hüsn-i îfâ etdiriniz. Bi-iznillahi teʻâlâ buna da muvaffak olursak bunun en büyük fahr u mübâhâtı, en azîm ecr u sevâbı Hilâl-i Ahmer'den ziyâde onu besleyen sizlere âiddir. _______________