HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 26 991 -3- Talas Bu karârgâhda 3 general, biri tabîb 12 mîralây, 4 kâimmakâm, biri tabîb 12 binbaşı, kezâ biri tabîb 20 yüzbaşı, 34 mülâzım-ı evvel, 69 mülâzım-ı sânî ve 193 zâbit vekîli bulunmakdadır. İşbu üserânın kâffesi şehrin en güzel büyük kârgîr binâlarında ikâmet etmekdedir. Umûmiyetle 6-8'i aynı odada yerleşmiş ve her birine birer karyola verilmişdir. 2 Haziran'da Mayıs maʻâşları iʻtâ edilmiş ve Haziran maʻâşının teʼdiyesi Ankara'dan beklen- mekde idi. Bu târîhde karârgâha meʼmûr Türk zâbitânının Mart maʻâşı henüz tesviye edilmemişdi. Lira Kuruş Generallere 62 69 Mîralâylara 57 94 Kâimmakâmlara 50 44 Binbaşılara 42 94 Yüzbaşılara 30 25 Mülâzım-ı evvellere 28 34 Mülâzım-ı Sânîlere 27 49 Zâbit vekîllerine 19 7 Maʻâşât-ı mezkûre Türk zâbitân-ı berriyesinin aldığı maʻâşa muʻâdildir. Esîr zâbitân, rütbelerine göre ayrı ayrı sofralara taksîm edilmişdir. Bu sofralar Türk kontrolüne tâbiʻ olmaksızın bizzât kendileri tarafından idâre ve tanzîm edilmekdedir. Üserânın tâbiʻ oldukları bu usûl Cihân Harbi esnâsında kabûl edilen usûlün aynıdır. Yevmî masrafları kırk, kırk beş kuruş içinde dâirdir. Üserâ, silâhlı bir neferin refâkatinde olarak haftada resmen ancak iki defa dışarıya çıkabilirler. Sıhhatleri mükemmeldir. Sârî hastalık yokdur. Hastalarını tedâvî için her şeyin mevcûd olduğu- nu heyʼet-i sıhhiye reîsleri olan iki Yunan heyʼetinin beyânâtından anladık. Ehemmiyetsiz hastalıklar için kendilerine bir hastahâne verilmişdir. Vahîm hastalıklar için de Kayseri Hastahânesi'ne nakil derpîş edilmekdedir. Yevm-i ziyâretimizde sarılıkdan hâl-i nekâhete dâhil olmuş bir zâbit ile romatizmadan muztarib diğer bir zâbite tesâdüf etdik. Üserâ tarafından hiçbir şikâyete destres olamadık. Bilakis cümlesi Mevkiʻ Kumandanı Kâim- makâm Hüseyin Bey ile maʻiyetinden bir lisân-ı şükrân ve sitâyişle bahsetdiler. Sanʻat ve vazîfesi orada kalmasını müstelzim olmayan esîr mîralây tabîbin terhîs ve serbestîsi için teşebbüsât-ı müessi- rede bulunduk. Muhâberât ve paketlerin teehhur ve adem-i vusûlü efrâd-ı karârgâhın aynıdır.