HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 26 992 -4- Afyonkarahisarı Bizim ziyâretimiz gününe kadar şimendifer taʻmîrâtında istihdâm edilmek üzere 56 esîr Afyon- karahisarı'ndan [37] Azari köyüne naklolunmuşlar ve oradaki hizmet ve vazîfeleri hitâm bulmuş ve taraflarından hiçbir şikâyet vukûʻ bulmamışdır. Afyonkarahisar'nda 220 esîr vardır. Burası da ahvâl-i sıhhiye ve ilbâs ve ibâte husûsunda şim- diye kadar gördüğümüz karârgâhlar gibidir. Askerî hastahânesinde el-yevm muhtelif karârgâhlardan vürûd etmiş 55 hasta vardır. Yunanlı bir mülâzım, bir Türk tabîbinin yanında çalışmakdadır. Hâlen sârî hastalık yokdur. Hastalıkların en mühim kısmı cihâz-ı hazmîye âiddir. Ahâlî-i mahalliye Yunanî- lere aslâ âsâr-ı husûmet göstermiyor. Bilakis kendi arzularıyla üserâya iç çamaşırı ihzâr etmişlerdir. -5- Kömürler Bu karârgâhın mevcûdu 498 nefer ile umûr-ı sıhhiyelerine nezâret eden bir sıhhiye mülâzımın- dan mürekkebdir. Karârgâh şerâit-i sıhhiyesi mükemmel bir tepeciğin sath-ı mâilinde bulunmakda ve üserâ yol inşââtında istihdâm edilmekdedir. Ale't-takrîb ovaya tesâdüf eden inşâât kısmında üserâ malaryaya musâb olmuş ve içlerinden yüz neferi hastahânelerde tedâvîye alınmışdır. Mevcûd 498 neferin ahvâl-i sıhhiyesi yolunda olduğunu Yunan sıhhiye mülâzımının sözlerin- den anladık. Yiyecekleri, yatacak yerleri ve elbiseleri bundan evvelki karârgâhlarınki gibidir. -6- Adana Adana Askerî Hastahânesi'nde 68 esîr taht-ı tedâvîdedir. Bunlardan 64'ü malaryaya ve dördü dizanteriye musâbdır. İçlerinden biri birkaç gün evvel malaryadan vefât etmişdir. Hasta Yunanlı üserâ Türk askerleri gibi aynı tedâvîye tâbiʻ tutulmakda ve hattâ üserâ karyola- larda yatdıkları hâlde Türkler yerde yatmakdadırlar. Bu sırada Adana ile civârında hiçbir sârî hastalık olmadığını ve ahâlî ile askerden % 95'inin malaryadan muztarib bulunduğunu Erkân-ı Harb Şuʻbesi Tabîbî ve Umûm Adana Hastahâneleri Şefi Salih Bey'in beyânâtından anladık. -7- Konya Konya'da 235 esîr vardır. Burası, her nokta-i nazardan bizde hoş bir teʼsîr bırakmışdır. Şerâit-i iklîmiye Adana ile civârına nisbetle mükemmeldir. Bi'n-nisbe asrî mebânîye mâlik olan bu büyük şehir sath-ı bahrdan bin metre yüksekdedir. Üserâ havâdâr büyük odalarda yatmakdadır. Her esîrin bir karyolası vardır. Beş kuruş yevmiye ile yol inşââtında istihdâm kılınmakdadır. İşbaşıları otuz-kırk kuruş yevmiye almakdadır. Bundan mâʻadâ üserâya bir gömlek, bir iş elbisesi, bir yorgan ve ihtiyâca göre çamaşır ve ayakkabı dahi verilmekdedir. Yiyecek mebzûl ve Türk askerininki gibi hastahânenin matbahında ihzâr olunmakdadır.