HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 34 1398 İksâ: Yine bu ay zarfında kadın, çocuk ve erkek olmak üzere 74 nüfûsa çamaşır ve elbise vesâi- re verilerek muhâfaza-i hayâtlarına hizmet edilmişdir. İʻâne: Hilâl-i Ahmer'in hidemât-ı sıhhiye ve insâniyesini reʼyü'l-ayn gören bu mıntıka muhâcir- lerinin nisbetle kudretlice olanları tarafından bu ay zarfında müessese-i imdâdiyemize 10.298 drahmi hediye ve iʻâne edilmişdir. Müteferrik Havâdis § İzmit'e bir etüv gönderilmişdir. § Selanik hastabakıcı hemşireliğine terfîʻan İzmit hemşîresi Hamiyet Hanım taʻyîn edilmiş ve mahall-i meʼmûriyetine azîmet eylemişdir. § İstanbul Mıntıka Müdüriyeti ile vâkiʻ olan iʼtilâf üzerine Çatalca mıntıkasına iki seyyâr tabîb ve hastabakıcı iʻzâm edilmişdir. § Müfettiş Galib Hakkı Bey berây-ı teftîş İzmit'e azîmet ve avdet etmişdir. § Kayalar İdâre Meʼmûru Kemal Bey anbâr meʼmûrluklarıyla idâre meʼmûrluklarının tevhîdine binâen merkez anbârındaki meʼmûriyet-i sâbıkasına avdet eylemişdir. § Geçen nüshamızda tifüse musâbiyetleri yazılan Samsun İmdâd-ı Sıhhî Heyʼeti Eczâcısı ile hemşîresi ve hastabakıcısı tamâmen iktisâb-ı âfiyet etmişlerdir. İstanbul Dispanserlerimizde Faʻâliyet Müstemirren îfâ-yı vazîfe etmekde olan İstanbul dispanserlerimizde Mayıs ayı zarfında âtîde gösterilen muʻâvenetler îfâ edilmişdir. Muʻâyene ve ilâcları meccânen iʻtâ olunan: Çocuk Erkek Kadın Yekûn Bundan Hastahânelere Sevk Olunan Üsküdar 190 132 522 844 6 Fatih 182 121 510 813 27 Cağaloğlu - - - 933 - Bunlardan Cağaloğlu'nda tedâvî edilen 933 hastadan yalnız 613'ünün ilâcları meccânen veril- miş ve diğer dispanserlerimizde mürâcaʻat edenlerin kâmilen ilâcları bilâ-bedel iʻtâ olunmuşdur. İstiʻfâ Merkez-i umûmî aʻzâsından Doktor Kilisli Rifat Bey vezâif-i meʼmûriyetinin kesretinden bahisle merkez-i umûmî aʻzâlığından istiʻfâ eylemişdir. Rifat Bey sinîn-i vefîreden beri merkez-i umûmî aʻzâlığında bulunarak fikir ve reʼyinden istifâde edilmiş olmağla istiʻfâları merkez-i umûmîce teessüfle karşılanarak bi'z-zarûre kabûl olunmuşdur. Kezâ merkez-i umûmî aʻzâsından olup epeyce zamândan beri cemʻiyetin kâtib-i umûmîliğinde bulunmakda olan Doktor Hikmet Bey de aynı sebebden dolayı kâtib-i umûmîlikden istiʻfâ etmişdir. Mûmâileyh Harb-i Umûmî zamânında cemʻiyetin Viyana murahhaslığında ve Mütâreke'den şimdiye kadar kâtib-i umûmîliğinde bulunarak cemʻiyetçe faʻâliyet ve dirâyetinden istifâde edilmiş olduğun- dan evvel be-evvel istiʻfâsı kabûl olunmamak istenilmişse ısrârı üzerine teessüfle kabûle mecbûriyet hâsıl olmuşdur.