HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 34 1399 Kâtib-i Umûmîlik Kâtib-i Umûmî Doktor Hikmet Bey'in vukûʻ-ı istiʻfâsına mebnî merkez-i umûmî aʻzâsından Müderris Mehmed Celâl Bey muvakkaten kâtib-i umûmîliğe intihâb edilmişdir. Müşârunileyh hazretlerine muvaffakiyetler temennî eyleriz. Mübâdele Vekîl-i Muhteremi Mübâdele İʻmâr ve İskân Vekîl-i muhteremi Celâl Beyefendi berây-ı teftîş İstanbul'da bulun- dukları esnâsında Hilâl-i Ahmer Merkez-i Umûmîsi'ni de teşrîf buyurmuşlar ve bir müddet mübâdele umûruna müteʻallik mesâil için Hilâl-i Ahmer rüesâsıyla müdâvele-i efkârda bulunmuşlardır. Mecmûʻamız vekîl-i müşârunileyhe beyân-ı hoş-âmedî eyler ve Hilâl-i Ahmer'in de iştirâk et- mekde olduğu mübâdele umûrundaki mesâʻî-i azîmelerinde mazhar-ı muvaffakiyet olmalarını temen- nî eder. Yeni Şehremîni Bursa merkezimiz reîsi Doktor Operatör Emin Beyefendi bu defa İstanbul Şehremâneti'ne taʻyîn buyurularak vazîfelerine mübâşeret eylemişlerdir. Müşârunileyh gerek Balkan Muhârebesi'nde gerek Harb-i Umûmî'de Bursa merkezimiz riyâse- tinde ve Hilâl-i Ahmer'in son Meclis-i umûmîsinde Bursa merkezi murahhası olmak üzere bulunarak cemʻiyetimize pek büyük muʻâvenetleri sebk etmiş olduğundan kendilerini tebrîk ve muvaffakiyet- lerini temennî ederiz. [316] Mübâdele ve İʻmâr ve İskân Vekîl-i muhteremi Celâl Beyefendi Djélal Bey, ministre de lʼEchange et des Reconstructions Bursa merkezimiz reîsi olup bu defa Şehremâneti'ne taʻyîn buyurulan Doktor Operatör Emin Beyefendi Dr. Opérateur Emin Bey, président du sous-comité central du Croissant-Rouge de Brousse, nommé Préfet de la ville de Constantinople