HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 34 1400 Teberruʻ-ı Âlî-cenâbâne Bosna-Hersek Reîsü'l-Ulemâsı Mehmed Cemaleddin Çavuşeviç Efendi hazretleri ahîren İs- tanbul'a seyâhatleri münâsebetiyle bizzât merkez-i umûmîmizi de ziyâret ederek bu kıtʻa-i vesîʻada sâkin dîndâşlarımız arasında… [317] Giridli Kardeşlerimizin Teşekkürü Hanya'dan naklolunan muhâcirîn-i İslâmiye'nin muhtâcîni için kable'n-nakl gönderilen 79.303 drahminin ahz olunarak bî-vâyegâna tevzîʻ edildiği ve cümlesinin müteşekkir kaldıkları Hanya'da cemâʻat-i İslâmiye riyâsetinden eski bir târîhle alınan tahrîrâtda bildirilmişdir. Kezâ Giridlilerin hîn-i nakilde Mudanya'da imdâd-ı sıhhî heyʼetimizin muʻâvenâtına karşı da pek hassâs ve minnetdâr kaldıkları bâ-mazbata beyân olunmakdadır. Hilâl-i Ahmer vatandâş ve kardeşlerine karşı mükellef olduğu vazîfeyi kısmen olsun îfâ edebil- miş olmağla müftehirdir. Bilhâssa himmet-bülendleriyle cemʻ ve derc etdikleri 1.200 İngiliz lirası, 11 dolar, 6 Fransız altın[ı], 10,5 Türk altın[ı], 3 mecidiye, 2.300 Fransız frangı iʻâneyi veznemize iʻtâ ve teslîm buyur- muşlardır. Bizi unutmayan bu İslâm kardeşlerimize ve ale'l-husûs hüsn-i delâlet ve himmetini dirîğ buyur- mayan reîs-i müşârunileyh hazretlerine bilhâssa teşekkür eyleriz Bayram İʻânât ve Hâsılâtı Bayramın ilk günü rozet tevzîʻi sûretiyle kutularla cemʻ olunan iʻânât ile park ve sinemalar hâsılâtı ve dört gün zarfında çıkarılan gazete vâridât-ı sâfiyesi ve Haliç ile Şirket-i Hayriye vapur bi- letlerinden toplanabilen iʻânât âtîye derc edilmişdir. Tabîʻî bu iʻânât ve hâsılât İstanbul'a mahsûs olup henüz Türkiye'nin diğer merkezleriyle şuʻbeleri faʻâliyetinden maʻlûmât alınamamışdır. Lira Kuruş Santim Kutularda zuhûr eden 4.576 25 75 Park hâsılâtı 639 75 - Sinemalardan 210 35 - Haliç ve Şirket-i Hayriye biletlerinden 490 73 - Hilâl-i Ahmer gazetesi nden 1.563 41 - 7.080 49 75 Kavalalıların Hamiyeti 12 Nisan [1]340'dan 13 Mayıs [1]340 târîhine kadar dispanserlerimize muʻallak iʻâne kutula- rında zuhûr eden mebâliğle Kavala ahâlî-i hamiyet-mendânı taraflarından verilen iʻânâtın yekûnu 29.307,5 drahmi ve 700 kuruş Türk evrâk-ı nakdiyesi ve 60 kuruş Türk zînet altını ve kezâ iki aded yüzlük Türk altınından mürekkebdir. Tütün tüccârından Tahir Ağa evvelce Sarışaban'ın Kızyük ve Aşklar karyesi ahâlîsi nâmına 1.750 ve kezâ yine Sarışaban'ın Bayramlar köyü nâmına 18.965 drahmi iʻâne teslîm etdiği gibi bu defa da kendi nâmına 15.000 drahmi iʻâne vermişdir. Sarışaban'ın İnceğiz ve Beklemiş karyeleri ahâlîsi 9.560, Şepece ahâlîsi 600 ve Ormanlar kar-