HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 34 1410 Roma'da Muhâcirîn Konferansı Roma'da 15 Mayıs 1924 târîhinde inʻikâd eden konferans için Roma muhâcirîn komiseri Bey- nelmilel Salîb-i Ahmer Komi[te]si'nden muhâcirîne müteʻallik bir rapor göndermesini ricâ etmekle komite evvel be-evvel bazı millî Salîb-i Ahmerlere 5 Nisan târîhli bir tahrîrât-ı umûmiye göndere- rek bu husûsa alâkadâr olup olmadıklarını ve mütâlaʻalarını istifsâr eylemişdir. Bazı cevâblar menfi olmakla berâber bir takımları da alâkalarını bildirmişlerdir. Ez-ân cümle Yunan Salîb-i Ahmeri bu mesʼelenin gâyet mühim olup Anadolu'dan ve Karadeniz sevâhilinden mübâdele edilen Rum ahâlî ile pek ziyâde meşgûl olduğunu cevâben bildirmiş ve Çekoslovakya Salîb-i Ahmeri de bu konferansa ehemmiyet vererek Rezena Pelantova isminde bir madamı murahhas taʻyîn ve iʻzâm eylemişdir. Romanya Kral ve Kraliçesinin Cenevre'yi Ziyâretleri Romanya kral ve kraliçesinin Cenevre'yi 9 Mayıs 1924'de ziyâretlerinde Beynelmilel Salîb-i Ahmer Komitesi Reîsi Mösyö Gustave Ador kendilerine takdîm olunmuş ve komitenin etdiği hizmet- leri takdîren reîs-i müşârunileyhi pek ziyâde mazhar-ı iltifât eylemişlerdir. Tedkîk Komisyonu ve Reîs-i Sânîmizin Azîmeti Beynelmilel Salîb-i Ahmerler teşkîlâtı için teşekkül eden tedkîk komisyonu üçüncü ictimâʻını Haziran'ın 4'ünde Lahey'de akdetmişdir. Mezkûr ictimâʻda maʻlûm olduğu üzere Hilâl-i Ahmer Cemʻiyeti tarafından reîs-i sânîmiz Dok- tor Âkil Muhtar Beyefendi hâzır bulunmuşdur. Muhtelit Komisyonun Temdîdi Muhtelit Komisyon maʻlûm olduğu üzere 1921 senesi Mart ibtidâsında Salîb-i Ahmer Cemʻi- yetleri Heyʼet-i İʼtilâfiyesi Meclis-i müdîrân reîsiyle Salîb-i Ahmer Cemʻiyetleri Beynelmilel Komi- tesi reîsi arasındaki [327] iʼtilâf üzerine teessüs etmiş ve bu iʼtilâf seneden seneye yani 1922 ve 1923 seneleri içinde tecdîd olunmuş ve tekrâr teceddüdü için de 27 ve 29 Mart 1924 târîhlerinde muhâbe- re edilmişdir. Beynelmilel Komite bu iʼtilâfın tecdîdini bir sene için kabûl olunmuş addetmişse de heyʼet-i iʼtilâfiye Nisan nihâyetine kadar bir karâr-ı katʻî verileceği ümîdiyle iki ay için tecdîdi kâfi olduğunu beyân eylemişdir. 29 Nisan'da heyʼet-i iʼtilâfiye meclis müdîrânının verdikleri bir karâr üzerine bu iʼtilâf 29 Kânûn-ı Evvel 1924'e kadar yeniden tecdîd olunmuşdur. Tezâhürât-ı Sulh-perverâne Cenevre'de Beynelmilel Salîb-i Ahmer Komitesi'nin neşreylediği mecmûʻa-i şehriyenin Nisan 1924 târîhli nüshasında verilen maʻlûmâta nazaran Beynelmilel Meclis-i Nisvân tarafından Mayıs'ın beşinden sekizine kadar esbâb-ı harbi izâle edecek vesâit hakkında Londra'da bir konferans akdi ve harbin büsbütün ilgâsı için ne yapılmak lâzım geleceğinin teemmülü mukarrerdi. Hattâ meclis muvaffakiyetini teʼmîn için daha şimdiden her nevʻ münâkaşât ve ihtilâfâtı dâʻî mesâil-i siyâsiye ve dîniyeyi programdan tamâmen tay ve ihrâc eylemişdir. Bu konferansın mukarreratına kesb-i ıttılâʻ etdiğimizde tabîʻî ileride ondan da bahsederiz.