HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 34 1411 Amerika'da Washington'da da aynı târîhde bir kongre akdine ve burada sulh-ı âlemin teessüsü için ne yapılmak lâzım geleceğinin düşünülmesine karâr verilmişdir. Amsterdam'daki Amele İttihâdı'da bu maksadın husûlü için harb ile askerlik aleyhine beyân- nâmeler tevzîʻ eylemişdir. Harbe nihâyet vermek için yedi sene müddetle mücâdelâta devâm etmek üzere beynelmilel birçok müessesâtın iştirâkiyle bazı müderrisîn ve eʻâzım ve meşâhîrden mürekkeb olmak üzere Cemʻiyet-i Akvâm nezdinde bir de komite teşkîl edilmişdir. Sulh fikrinin lehinde son beynelmilel konferanslarda bi'l-cümle Salîb-i Ahmerlerce bazı mu- karrerât ittihâz edilmiş olmağla dâimâ sulh u sükûn ve âsâyiş ü saʻâdet hâdimi olan Hilâl-i Ahmer Cemʻiyeti de bu tezâhürât ve teşebbüsât-ı sulh-cûyâneyi tabîʻî memnûniyet ve teşekkürle karşılar. Arnavutluk'a Muʻâvenet * Murahhas ve Müderris Mösyö Pitar, kendi delâletiyle İtalyan Hükûmeti tarafından 500.000 lira İtalyan frangı, * İngiltere Hükûmeti tarafından 5.000 sterlin lirası, * Çekoslovakya tarafından 500 sterlin lirası, * Beynelmilel Salîb-i Ahmer Komitesi 500 İsviçre frangı, * Çocuklara Muʻâvenet Cemʻiyeti tarafından 600 sterlin lirası, * Bazı Amerikalılar tarafından 10.000 dolar, * Romanya Salîb-i Ahmeri tarafından 10.000 ley iʻâne toplayarak Draç, Tiran, İşkodra ve Ko- sova arasındaki nevâhîyi bizzât gezmiş, görmüş ve elli binle yetmiş bin arasında bulunan aç ve muh- tâclara muʻâvenât-ı mukteziyede bulunmuşdur. Amerika Hükûmât-ı Müttehidesi'nde Aʻzâ Amerika Hükûmât-ı Müttehidesi Salîb-i Ahmeri 1924 senesi için 3.471.000 aʻzâ kaydeylemiş olup sene-i sâbıkaya nisbetle bu sene 38.466 aʻzâ fazladır. [328] Tedkîk-i Mesâib Risâle-i Mevkûtesi Beynelmilel Komite ile Heyʼet-i İʼtilâfiye Muhtelit Komisyonu'nun verdiği karâr üzerine musî- bet ve felâketlerin tedkîki için ilmî bir risâle-i mevkûte neşri fikri ilerlemekdedir. Heyʼet-i iʼtilâfiye masrafın yarısına iştirâk edecekdir. Salîb-i Ahmer Sokağı İspanya'nın Barselon[a] şehrinde yeni açılan bir sokağa bu isim verilmiş ve resm-i küşâdı pek mutantan bir sûretde icrâ olunmuşdur. Bu maʻlûmâtı veren Beynelmilel Komite'nin risâle-i mevkûtesi Salîb-i Ahmerlerin beşiği olan Cenevre'de 35 seneden beri bu nâmda bir sokak bulunduğunu beyân ve ilâve ediyor. Şehirlerimizde yeni açılan veya değişdirilmesi arzu edilen bazı sokakların kendi millî cemʻiyetimizin nâmı olan Hilâl-i Ahmer ile tesmiyesi ne kadar münâsib olurdu! Şîr ü Hûrşîd-i Sürh-i İran Beynelmilel Salîb-i Ahmer Komitesi'nin 20 Mayıs 1924 târîhli olarak cemʻiyetimize irsâl ey- lediği 241'inci sirkülerden müstebân olduğuna göre Hilâl-i Ahmer'imizle Salîb-i Ahmer Cemʻiyetleri gibi İran'da dahi Şîr ü Hûrşîd-i Sürh-i İran nâmıyla bir cemʻiyet-i milliye teşekkül etmiş ve İran