HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 26 995 cak Yunan iskelelerinde işbu kapılardan Türkiye hudûdlarına çıkarılacak muhâcirîni nakledecek olan vapurlarda ve muhâcirînin menâtık-ı iskâniyelerine kadar Hilâl-i Ahmerce derʻuhde edilen vezâif şunlardır: 1-Yunanistan'daki ihrâc kapılarının beherinde her dürlü levâzım[â]tıyla birer heyʼet-i sıhhiye bulundurulacakdır. 2-Sefâin-i nakliye derûnunda zuhûr edecek hastaların tedâvî ve tegaddîleri gemilerde buluna- cak Hilâl-i Ahmer Heyʼet-i Sıhhiyeleri tarafından icrâ edilecekdir. 3-İskân mıntıka iskelelerinin beherinde meʼmûrîn ve levâzım-ı sıhhiyeyi hâvî onar yataklı birer dispanser bulundurulacağından mezkûr iskelelere çıkan mübâdele ahâlîsinden hasta olanlar tedâvî ve tegaddî edilecekler ve içlerinde fakîr ve muhtâc-ı muʻâvenet olanların kâffesine lüzûmu mikdâr çamaşır, fanila, çorab ve ayakkabı tevzîʻ edilecekdir. 4-İskelelerden menâtık-ı iskâniyeye sevk olunacak ahâlîden zaʻîf, ihtiyâr, maʻlûl, kadın ve ço- cuk gibi vesâit-i nakliyeye arz-ı ihtiyâc edenlere mahsûs olmak üzere beher iskeleye 2-5 adede kadar her dürlü levâzım ve masârıfı Hilâl-i Ahmer'e âid olarak bu defa İngilizlerden mübâyaʻa edilen kam- yonlar tahsîs olunacakdır. 5-Menâtık-ı iskâniyenin hükûmetçe lüzûm gösterilen mahallerinde ahâlînin muvakkat iskân- larına mahsûs olmak üzere bu defa İngilizlerden alınan muhtelif cesâmetde barakalar ve çadırlardan istifâde edilecekdir. 6-İngilizlerden mübâyaʻa edilen ve Çanakkale'de bulunan barakalardan istifâde olunur mülâha- zasıyla işbu barakalar hükûmet emrine bırakılmışdır. _______________ Hilâl-i Ahmer'e Hâricden Gelen Muʻâvenetler İskenderiye'de tüccâr-ı muʻtebereden Hacı Mustafa Kâmil el-Giridî Beyefendi'den Asmaaltı'n- da tüccârdan Ali Vâki Efendi vedâʻatıyla otuz İngiliz lirası, İskenderiye'de tüccâr-ı muʻtebereden Ahmed Zeki Bey tarafından Asmaaltı'nda tüccârdan Ali Vâki vedâʻatıyla 200 Türk lirası gelmişdir. [40] Hilâl-i Ahmer, bu müteberriʻîn ve mütevassıtîn-i kirâma takdîm-i teşekkürât eder. _______________ General Harrington'un Teşekkür Mektubu İngiliz işgâl ordusuna âid fazla eşyâ Hilâl-i Ahmer Cemʻiyetince otuz bir bin küsûr İngiliz lira- sına mübâyaʻa edilmiş idi. Eşyânın hîn-i teslîminde tarafeyn erkân ve müstahdemîninin yekdiğerine karşı ibrâz etdiği âsâr-ı nezâket ve iʻtimâddan son derece mütehassis olan Sir Harrington tercemesini aşağıya derc et- diğimiz mektûbu Hilâl-i Ahmer Riyâseti'ne irsâl etmişdir: