HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 26 996 " Karârgâh-ı Umûmî İstanbul Hulâsa: İngiliz ordusuna âid fazla eşyânın tesellümüne dâir Hilâl-i Ahmer Cemʻiyeti Riyâseti'ne Fî 27 Eylül sene 1923 Efendim, İngiliz ordusuna âid fazla eşyânın hîn-i tesellümünde gerek zât-ı âlîleri, gerek maʻiyetiniz meʼmûrları tarafından gösterilen âsâr-ı nezâket ve intizâm-ı harekât ve zâbitânımıza karşı ibrâz olu- nan iʻtimâd ü emniyetden dolayı İstanbul'dan hareketimden evvel teşekkürâtımı iblâğ etmek isterim. Müstaʻcel bir tahliyenin gayr-ı kâbil-i ictinâb olan müşkilâtı arasında kontratın bize âid kısmı- nın tamâmî-i tatbîki için imkân dâiresinde çalışdım. Bu husûsda evâmirimi tatbîke meʼmûr zâbitâ- nımızın ne dereceye kadar teʼmîn-i muvaffakiyet ve istihsâl-i memnûniyete muvaffak olduklarından haberdâr olmak dahi ayrıca mûcib-i memnûniyetim olacakdır, efendim. Türkiye'de İngiliz Orduları Başkumandanı Charles Harrington" Bu mektuba cevâben Hilâl-i Ahmer Cemʻiyeti âtîdeki İngilizce tezkereyi Sir Harrington'a gön- dermişdir: "-Türkiye İngiliz Orduları Başkumandanı General Charles Harrington Cenâblarına Dersaadet, 1 Teşrîn-i Evvel 1923 Cemʻiyetimizce mübâyaʻa olunan İngiliz ordusuna âid fazla eşyânın hîn-i tesellümünde Hilâl-i Ahmer meʼmûrlarının İngiliz zâbitlerine ibrâz etdikleri iʻtimâd mahalline masrûf bir hareketdir. Bun- dan mütevellid memnûniyetinizi teşekkürâtımla berâber meʼmûrlarıma teblîğ edeceğim. Tesellüm esnâsında bu işe meʼmûr zâbitânın Hilâl-i Ahmer'e ve meʼmûrlarına karşı ibrâz eyledikleri nezâket- den ve teshîlâtdan dolayı cemʻiyetimiz nâmına ve kendi nâmıma teşekkürâtımı alâkadârlara teblîğ buyurmanızı ricâ ve sizin şahsen Hilâl-i Ahmer'e her vesîle ile gösterdiğiniz alâkadan mütevellid teşekkürâtımızı da maʻa'l-ihtirâm takdîm eylerim". _______________ Trablusgarb'a Bir Heyʼet-i Sıhhiye İʻzâmı Mesʼelesi 1912 Trablusgarb Harbi'nde Osmanlı Hilâl-i Ahmer Cemʻiyeti'yle İtalya Salîb-i Ahmeri'nin Trablus'a iʻzâm etdikleri heyʼât-ı sıhhiye-i imdâdiye misillü bir heyʼet-i sıhhiyenin gönderilmesi ta- leb ü istidʻâsını hâvî 15 Nisan 1923 târîhiyle Cedabiye'den Trablusgarb'da Arab Hükûmeti Hâriciye