HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 26 997 Nâzırı Halid imzâsıyla Cenevre Beynelmilel Salîb-i Ahmer Merkez Komitesi'ne irsâl olunan tahrîrât, komite tarafından İtalya Salîb-i Ahmer reîsine teblîğ edilmesi üzerine İtalya Salîb-i Ahmer reîsi ver- diği cevâbda sâhib-i tahrîrâtın kendisine tevcîh ve izâfe etdiği sıfat ve unvânın tasdîk [41] edileceğini ve Trablus İtalya Salîb-i Ahmeri'nin orada bulunan İtalya tebaʻasıyla Arab ahâlîye karşı lüzûmu hâ- linde her dürlü muʻâveneti îfâya hâzır u âmâde bulunduğunu bildirmişdir. _______________ Merkez-i Umûmî Karârları Ayvalık Mübâdele Heyʼet-i Sıhhiyesi Midilli'den Ayvalık'a nakledilecek olan sekiz bin kadar ahâlî-i İslâmiye'ye muʻâvenet etmek üzere Hilâl-i Ahmerce Ayvalık'a müsâraʻaten bir heyʼet-i sıhhiye-i imdâdiye iʻzâmı takarrür etmişdir. Heyʼet, muhtâcîne elbise, çamaşır tevzîʻ ve on iki yataklık bir hastahâne ihzâr edecekdir. Malzeme-i sıhhiye meyânında iki etüv de bulunmakdadır. _______________ Tedkîk Komisyonu Murahhaslığı İsveç Velîʻahdı Prens Charles hazretlerinin zîr-i riyâsetinde olan üç Salîb-i Ahmer murahhası ve bir Cenevre Beynelmilel Salîb-i Ahmer Komitesi ve bir Salîb-i Ahmer Cemʻiyetleri Heyʼet-i İt- tihâdiyesi murahhaslarından mürekkeb olmak üzere 1 Teşrîn-i Sânî [1]339 [Kasım 1923] Brüksel'de ictimâʻ edecek Tedkîk Komisyonu'na Hilâl-i Ahmer Cemʻiyeti tarafından Doktor Âkil Muhtar Bey intihâb edilmişdir. _______________ Komisyon Yunanistan'dan gelecek müslümân ahâlî için âlem-i İslâm'dan tasavvur edilen iʻâne hakkında ittihâz-ı karâr etmek üzere merkez-i umûmî aʻzâsından Doktor Adnan, Kemal Ömer ve Rauf Ahmed Beylerden mürekkeb bir komisyon teşkîl edilmişdir. Bu komisyon Gâzî Mustafa Kemal Paşa haz- retleri tarafından âlem-i İslâm'a hitâben neşredilen beyânnâmeye bir de îzâhnâme ilâve edecekdir. Komisyon, mesâʻîsini ikmâl etdikden sonra birkaç lisâna nakil ve terceme edilmiş olan beyânnâmeler bazı memleketlere bir heyʼet-i mahsûsa vedâʻatıyla gönderilecekdir. _______________ Düyûn-ı Umûmiye Karşısında Hilâl-i Ahmer Dispanseri Son iki sene zarfında otuz dört bin kişiye mürâcaʻatgâh-ı tedâvî olan Düyûn-ı Umûmiye kar- şısındaki dispanserin muʻâmelât-ı tıbbiyesi kemâkân Tıb Fakültesi Heyʼet-i Tedrîsiyesi tarafından idâre edilmek üzere Hilâl-i Ahmer Cemʻiyeti'ne devriyle Hilâl-i Ahmer Dispanseri olarak idâme-i faʻâliyeti takarrür etmişdir.