HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 26 998 SALÎB-İ AHMER HAVÂDİSİ İtalya Salîb-i Ahmeri'nin Sulh Faʻâliyeti İtalya Salîb-i Ahmeri'nin 1921-1922 senesi faʻâliyeti hakkında mezkûr Salîb-i Ahmer Müdür-i Umûmîsi ve İtalya Meclis-i Âlî-i Sıhhîsi aʻzâsından Müderris Doktor Cezar Badoel tarafından yazı- lan umûmî raporun bir nüshası merkez-i umûmîmize irsâl edilmişdir. Mezkûr raporun mütâlaʻa ve tedkîkinden İtalya Salîb-i Ahmer Cemʻiyeti'nin sulh faʻâliyetini[n] biri arâzî-i milliyede, diğeri beynelmilel sâhada olmak üzere ikiye münkasem olduğunu görüyoruz. Arâzî-i milliye dâhilindeki faʻâliyeti: 1-Himâye-i etfâl 2-Veremle mücâdele [42] 3-Sıtma mücâdelesi 4-Erbâb-ı mesâʻîye muâvenet. Amelenin taʻlîm ü tedrîsine mahsûs dersler, ameleye tıbbî ve ictimâʻî muʻâvenet, aʻzâ-yı sınâʻiye laboratuvarı vesâire 5-Kadın hastabakıcı teşkîlâtı, imdâd-ı sıhhî tedrîsine mahsûs mektebler, gönüllü kadın hastaba- kıcı mektebleri, hastabakıcılığı sanʻat ittihâz edecek kadınlara mahsûs mekteb 6-Ahâlînin terbiye-i hıfzıssıhhası, propaganda şuʻbesi, duvar iʻlânâtı (projeksiyon), film, propa- ganda mecmûʻaları, İtalya Salîb-i Ahmeri'nin resmî gazetesi, ibtidâî ve tâlî derecedeki mektebler için Salîb-i Ahmer propaganda mecmûʻaları 7-Âfât ve mesâib-i umûmiyeye muʻâvenet. Muʻâvenât-ı müstaʻcele, Etna yanardağı mesâib- zedegânına muʻâvenet, imdâd ve muʻâvenete mahsûs âlât ve malzeme, merkez komitesi muʻâvenet heyʼeti, muʻâvenet gönüllü heyʼetleri 8-İtalya Salîb-i Ahmeri'nin ıslâh ve terakkîsi. Yeni nizâmnâme-i esâsî ile nizâmnâme-i dâhilî ve İtalya Salîb-i Ahmeri'ne âid bi'l-cümle nizâmât ve taʻlîmât, merkez komiteleri, tâlî komiteler, mu- rahhaslıklar, aʻzâ, meʼmûrîn, malzeme, anbârlar, emvâl-i gayr-ı menkûle, fersûde evrâk ve defâtirin fürûhtundan mütehassıl vâridât gibi mevâddı ihtivâ etmekdedir. Görülüyor ki, İtalya Salîb-i Ahmeri, sulh zamânına âid programını en ziyâde imdâd ve muʻâve- net sâhasındaki faʻâliyet-i hayriyeye hasr ve tahsîs eylemişdir. Ambülans ve dispanserler teşkîlâtı pek mükemmel olduğu gibi mecrûh ve hastalar için dâimî ilk imdâd ve muʻâvenet mevkiʻleri de hâl-i mükemmeliyete ifrâğ edilmişdir. Şehirlerin kısm-ı aʻzamında mecrûhînin hastahâneye ve hattâ hastaları meskenlerinden etıbbâ muʻâyenehânesine veyâhûd hastahâneye nakletmek için işbu imdâd ve muʻâvenet mevkiʻlerine sey- yâr otolar tahsîs edilmişdir. Beynelmilel sâhadaki icrâât ve faʻâliyetinde Cenevre Merkez Komitesi ve Salîb-iAhmer Cemʻi- yetleri Heyʼet-i İttihâdiyesi ve âfât ve mesâib-i umûmiyeye dûçâr olan milel ve akvâm için Ciraolo Projesi, Rusya ve İzmir'e muʻâvenet gibi mevâd görülüyor. İtalya Salîb-i Ahmeri sıtma mücâdelesinde köylüleri, çobanları ve hasâd zamânında çalışan çiftçileri tarlalarda, iş başında arayıp buluyor ve taht-ı tedâvîye alıyor. Tabîb ile maʻiyeti sûret-i dâi- mede sıtmalı mahallerde bulaşma tehlikesine maʻrûz kalarak çiftçilerle teşrîk-i hayât ediyor ve bun-