HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 26 999 ların içinde faʻâl-i dâimî propaganda yapıyor, sıhhatin şerâit-i muhâfazasını ve hastalığın esbâb u avâmil ve netâyicine karşı tarz-ı müdâfaʻayı öğretiyor. Salîb-i Ahmer etıbbâ ve hastabakıcıları mebzûl edviye ve müstaʻcel imdâd vâsıtalarıyla hayvân veya arabaya râkiben tarlalarda hasta taharrîsine gidiyorlar. Seyyâr olan bu heyʼetler İtalya yarımada- sının hemen her tarafına yayılmışdır. Etıbbâ mesâʻîsinde sıtmaya tutulmuş çocuklara muʻâvenet ve bu çocukları tedâvî husûslarında kırlara, tarlalara dağılmış mekteblerden ve muʻallimlerinden istifâde ediyor. [43] Sardinya cezîresinde adanın ahvâl-i tabîʻiyesiyle âdât-ı ahâlîye muvâfık diğer bir tarz taʻkîb edilmekdedir ki, o da şudur: Salîb-i Ahmer etıbbâ ve hastabakıcıları bir seyyâr dispanser ile muʻayyen günlerde muʻayyen mahallerde tevakkuf ederek tedâvî edilmek ve bir haftalık ilâclarını almak üzere toplanan çoban ve köylüleri ziyâret ediyorlar. 1921 senesi zarfında 16 seyyâr hastahânede tedâvî edilenler 58.302 nüfûsa bâliğ olduğu hâlde 1922 senesinde teşkîlât-ı cedîde sâyesinde mikdâr-ı mezkûr 125.073'e resîde olmuşdur. _______________ İsveç İsveç Salîb-i Ahmeri'nin 1920 senesinde aded-i aʻzâsı 59.416 iken 1923 senesinde 80.680'e bâ- liğ olmuşdur. Bu mikdâr, nüfûs-ı mevcûdenin % 1,33'üne tekâbül etmekdedir. Gençlik Salîb-i Ahmeri nâmına 60 mekteb ve 397 aʻzâ mukayyeddir. İsveç Salîb-i Ahmer Mecmûʻası 'na abone olan talebenin adedi 4.037'dir. _______________ İran Hilâl-i Ahmer Cemʻiyeti Cenevre Beynelmilel Salîb-i Ahmer Komitesince muʻâmele-i tasdîkiyesi henüz îfâ edilmemiş olan İran Hilâl-i Ahmeri, "Şîr-i Hurşîd-i Sürh Cemʻiyeti" unvânını almışdır. _______________ MUKTEBESÂT Silifke'de münteşir Taşili refikimizin 8 Ağustos târîhli nüshasında münteşir makâleyi ehemmi- yetine binâen aynen naklediyoruz: "-Hilâl-i Ahmer Türkiye Hilâl-i Ahmer müessesesinin âm ve şâmil olan muʻâvenât, teshîlât ve hidemât-ı insâ- niyetkârânesini birer birer taʻdâda hacmimiz müsâʻid olmadığından yalnız bunlardan pek yakın bir zamânda cereyân eden birkaç vakʻayı zikir ile muhterem ahâlîmizin bu müesseseye karşı yapacakları