HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 27 1035 "-Türkiye Hilâl-i Ahmer Cemʻiyet-i Muhteremesi'ne, 1923'üncü yılda Haziran 15-25'de Ufa'da devâm etmiş bütün Rusya Müslümânlarının dîn âlim- leri ve mahalle vekîllerinin Umûm Nedve'si, Rusya Müslümânları Nezâret-i Dîniyesi nezdinde Aç- lara Yardım Heyʼeti Reîsi Kadı Keşşafeddin-i Tercümânî maʻrûzasını istimâʻdan sonra, muhterem Hilâl-i Ahmer Cemʻiyeti'ne zîrde derc edilecek teşekkürü arz ede. Muhterem Hilâl-i Ahmer Cemʻiyeti! 21 senede kahtlık belâsıyla açlıkdan helâkete maʻrûz kalan biz Türk kardâşlarınız nâlalarına müteessir buldunuz. Bütün Salîbiyûn ordularının akındıtılarının dehşetli hücûmlarına maʻrûz olduğu- nuz dakîkalarda necâbetlü [65] kahramân Türk şehîdlerinin çoluk çocuklarının mübârek gözleri yaşla memlû, bîçâre kocasız kalan muhtereme Türk mâderleri, hanımlarının şefkatlü kalbleri mecrûh bir zamânda kendilerinin son lokmalarını bile îsâr etdiler. Kırım cezîresinde, Volga ve İdil havzaları, Ural dağları eteklerinde mutavattın Türk kardâşları- nızın yardımına koşdunuz. Samîmî birâderlik rûhlarınızı, îmânla[rı]nızı bizim kalblerimize, dimâğ- la[rı]mıza intibâʻ etdiniz. Binâenʻaleyh Umûm Nedve, muhterem Hilâl-i Ahmer Cemʻiyeti'ne ve cemʻiyet-i muhteremeniz vesâtatı ile ihsân eden bi'l-cümle İslâm karındâşlarımıza samîmî teşekkürü arz ve kabûlünü istirhâm ede. 1341'inci sene 3'üncü Zilkaʻde 1923'üncü sene 25'inci Haziran Nedve Reîs[i] Ziyaeddin bin İkmâlî Fahrî Reîs Rızaeddin bin Fahreddin Serkâtib Şehrişeref " _______________ Girid, Hanya Cemâʻat-i İslâmiye Riyâseti'nden Merkez-i Umûmîmize Gönderilen Tahrîrât "-Muhterem Efendim, Hanya muhtâcîn-i İslâmiyesi'ne tevzîʻ edilmek üzere Osmanlı Bankası vâsıtasıyla irsâl bu- yurulan 257. 1/2 İngiliz lirası Atina Bankası'nın Hanya Şuʻbesi'nden ahz edilmiş ve drahmiye teb- dîl edildikde 79.174 drahmi bir yekûn teşkîl etmişdir. Hanya muhtâcîn-i İslâmiyesi'ne yapılan işbu muʻâvenet ve eltâfınıza karşı cemʻiyet-i muhteremenize ahâlî-i İslâmiye'nin en samîmî teşekkürât ve minnetlerini arz etmekle kesb-i şeref eyleriz. 18 Teşrîn-i Evvel [1]339 [Ekim 1923] Girid Hanya Cemâʻat-i İslâmiye Reîsi Balcızâde Hüseyin Rahmi "