HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 27 1037 Madras Ahâlî-i İslâmiyesi'nin Bir Teberruʻu Hindistan'da Madras şehrinde Türkiye Dullarına ve Yetîmlerine Muʻâvenet Komitesi Reîsi Cemal Muhammed Sahib Efendi tarafından Gâzî Mustafa Kemal Paşa hazretlerinin nâm-ı sâmî-i fahîmânelerine dört bin yüz otuz dört İngiliz lirası ve on üç şilin ve altı pensi hâvî bir kıtʻa çek gön- derilmiş ve muhteviyâtının son harbde şehîd olanların dullarına ve yetîmlerine ve İzmir vilâyetinde Yunan zulüm ve gadrine uğrayan bîçâregâna verilmesi dermeyân kılınmışdır. Hilâl-i Ahmer Cemʻiyeti işbu teberruʻ-ı âlî-cenâbâneden dolayı muʻâvenet komitesiyle reîs-i muhteremi Cemal Muhammed Sahib Efendi hazretlerine o bîçâregân nâmına takdîm-i şükrân ve mahmidet eyler. _______________ Kadıköy Hilâl-i Ahmer Şuʻbesi'nde Aʻzâ İntihâbı Kadıköy Hilâl-i Ahmer Şuʻbesi aʻzâsı meyânından kurʻa ile çıkan üç aʻzâ yerine şuʻbece yapı- lan intihâbât netîcesinde en çok reʼy kazananlardan Süreyya Paşa ile Doktor Mehmed Rahmi Bey'in ve otuzar reʼy alan Zeki ve Hüsnü Beyler arasında merkez-i [67] umûmîde kurʻa keşîdesiyle kurʻa isâbet eden Hüsnü Bey'in aʻzâlıkları 7 Teşrîn-i Sânî 1339 [Kasım 1923] ictimâʻında takarrür etmişdir. Beynelmilel On Birinci Salîb-i Ahmer Konferansı'na iştirâk eden Hilâl-i Ahmer Heyʼet-i Murahhasası'nın Cenevre'de aldırdığı grup Soldan sağa: Hilâl-i Ahmer Birinci Reîs-i Sânîsi Müderris Doktor Âkil Muhtar Beyefendi, Hilâl-i Ahmer Fahrî Reîsi Müderris Besim Ömer Paşa, Servet-i Fünûn Müdürü Ahmed İhsan Beyefendi Groupe représentant les délégués du Croissant-Rouge Turc à la XIme Conférence International de la Croissant-Rouge qui eut lieu à Génève De gauche à droite: Prof. Dr. Akil Moukhtar Bey 1er Vici-President du C.R.T., Prof. Dr. Bessim Omer Pacha Président Honoraire du C.R.T., Ahmed Ihsan Bey publiciste