HİLÂL-İ AHMER MECMÛʻALARI / CİLT 3

Türkiye Hilâl-i Ahmer Mecmû‘ası Sayı 27 1038 Ankara Heyʼet-i Murahhasasının Lağvı İlcâât-ı vukûʻat ve ahvâl-i fevkalâde dolayısıyla evvelce Ankara'da teşkîl edilmiş olan heyʼet-i murahhasanın lağvıyla muʻâmelât-ı hesâbiyesinin merkeze devr u nakline ve mübâdele sûretiyle Yu- nanistan'dan gelecek muhâcirîne Hilâl-i Ahmer Cemʻiyetince yapılacak muʻâvenât ve teʼsîsâtda ge- rek İʻmâr, Mübâdele ve İskân Vekâlet-i Celîlesi'yle gerek makâmât-ı âliye-i sâire ile yalnız temâs ve münâsebâtda bulunmak üzere sâbık Hilâl-i Ahmer murahhaslık aʻzâsından Doktor İsmail Besim Pa- şa'nın taʻyînine 10 Teşrîn-i Evvel 1339 [Ekim 1923] târîhinde münʻakid merkez-i umûmî celsesinde karâr verilmişdir. _______________ [68] Semt Teşkîlâtı Kadıköy ve Üsküdar dâhil olmadığı hâlde, İstanbul'da mevcûd yirmi beş semt teşkîlâtı heyʼet- lerinin târîh-i teşekkülleri olan geçen Kânûn-ı Sânî'den Teşrîn-i Evvel gâyesine kadar Hilâl-i Ahmer Veznesi'ne tevdîʻ etdikleri mebâliğ ber-vech-i âtîdir: Kuruş Kânûn-ı Sânî [1]339 [1923] 8.000 Şubat [1]339 [1923] 61.695 Mart [1]339 [1923] 95.855 Nisan [1]339 [1923] 117.937 Mayıs [1]339 [1923] 144.522 Haziran [1]339 [1923] 170.320 Temmuz [1]339 [1923] 159.382 Ağustos [1]339 [1923] 173.785 Eylül [1]339 [1923] 172.580 Teşrîn-i Evvel [1]339 [1923] 173.126 1.277.232,50 _______________ Gördes Kasabasına Muʻâvenet Gördes kasabasının mühim bir heyelân tehlikesine maʻrûz bulunduğundan sekenesinin Kum çayının şarkına nakil ve iskânları kesb-i zarûret etdiği anlaşılması üzerine ahâlî-i mezkûrenin kı- şın hulûlünden evvel muvakkaten iskânları teʼmîn edilmek üzere barakalar inşâsı pek mühim ve âlî bir eser-i hayr ve şefkat teşkîl edeceği nazar-ı dikkate alınmakla berâber Hilâl-i Ahmer'in el-yevm derʻuhde etmiş olduğu vezâif-i mühimmeye nazaran bu felâketzedegâna muʻâvenet için aʻzamî beş bin liranın sarfı takarrür etmişdir. _______________